掃呢頁CODE去手機

2014年9月11日 星期四

[壹週刊 1279] 認番三歲早產 Mianne 鄭志恒湊女陪彤叔做節 鄭志恒,陳靜儀,Mia,M1,




探熱針

認番三歲早產 Mianne 鄭志恒湊女陪彤叔做節

鄭裕彤長孫鄭志恒, 11年與張姓女商人( Winnie)拍拖,分手後女方才發現懷有鄭家骨肉,同年 10月,早產誕下女兒鄭天心( Mianne)。患有血管瘤的 Mianne現三歲,據了解,對親生骨肉不太理會的鄭志恒,近半年卻一反常態,經常探望;中秋節前,又買玩具又帶 Mianne返鄭家大宅做節,讓彤叔與曾孫女團圓。

愈來愈錫

今個月初,本刊記者在四季酒店公寓附近見到鄭志恒,慈父上身,親手抱住已經三歲的 Mianne去買玩具,著住紅色裙仔,頸上戴住珍珠鏈的她,眼仔碌碌十分可愛。之後兩父女先到大坑道友人寓所,逗留到黃昏六時多,鄭志恒便帶同 Mianne返鄭家位於淺水灣道大宅,跟彤叔提前做節,享受天倫之樂。

近半年,鄭志恒一反常態,即使跟 Winnie斬纜,至低限度肯認番個女!甚至每星期都會抽時間,帶 Mianne出街玩。

「唔知點解鄭志恒愈來愈錫個女,以前一星期去睇佢一次,但而家一有時間就會去湊 Mianne,密起上嚟一星期幾次。」知情者說。

身為新世界發展執行董事及周大福集團董事的鄭志恒,三十六歲,是鄭裕彤次子鄭家成兒子,因父母離異,自小便跟隨爺爺生活,彤叔與這個長孫關係亦最密切。

一一年,鄭志恒與 Winnie由朋友變拖友,但戀情只維持幾個月,二人分手後,始發現已經搞出人命,據了解,當時鄭志恒並不主張生,但 Winnie堅持。

「 Mianne出世時得 1.8磅,又有血管瘤,好多人以為會養唔大,但 Winnie使咗成副身家醫個女,單係食冬蟲草,每個月都使四萬幾蚊,而家 Mianne愈大愈健康。」知情者說。

2011年出世的 Mianne,當時只得 1.8磅重,與現在 3歲的她相比,很難想像出世時,她只有手掌般大。

Winnie聽足中醫師指導,每個月買近五萬元冬蟲草給 Mianne服用,對於零收入的她雖然很吃力,但眼見女兒愈來愈健康,一切都值得。

Winnie為了女兒付出所有,除了花盡錢財醫她外,還停工全力照顧她,是位百分百的好媽媽。

彤叔兩年內中風兩次,令到他的身體活動機能大不如前,孫兒鄭志恒經常帶曾孫女 Mianne返大宅探他。

Mianne每個動作都冧爆爹哋鄭志恒,令他樂做湊仔公。

曾割脈自殺,為他誕下兒子的韓籍女友,據悉現與五歲兒子長居韓國。

不足兩磅出世

Mianne出世時不足月兼有血管瘤,當時的醫護團隊也擔心她撐不下去, Winnie更將女兒每日的成長記錄成書,感謝醫護團隊盡力照料外,還給女兒長大後留作紀念。

資產基金管理

自從鄭志恒認番個女後,很多時也會帶 Mianne見爺爺鄭家成(右)。

彤叔中風後,便絕跡商界,亦再無參與管理公司運作。據知,兩年內先後中過兩次風的他,長期臥床。

「彤叔手腳活動機能已經同以前唔同,啲仔女有時間都會返大宅陪佢,有乜唔舒服就即刻送佢入養和,始終彤叔已經八十八歲。」

據了解,彤叔亦早已立下遺囑,為分產做好準備。

彤叔唔想班後人洗腳唔抹腳,所以同大部分有錢人一樣,用基金運作,希望自己一手創立嘅新世界集團可以一代一代咁發展落去。雖然家族成員唔係一次過分產,但好似佢兩個仔鄭家純、鄭家成咁,每年都有一千二百萬使費,第三代嘅鄭志恒同鄭志剛個額一年亦有九百萬。」有知情者說。



鍾意就快D Share啦!