澳門騷加價三倍即被飛 周永恒小三被寸扮巨星
【恒Yu家暴之分開過節】自認人渣偷嗒小三的周永恒（Roy），親手毀碎一家四口的幸福，今日是人月團圓的中秋節，記者分別聯絡Roy和趙頌茹（阿Yu）問怎度過？會否一齊陪囡囡？Roy卻無厘頭以聖經箴言回覆：「包容過錯的，尋求友愛；喋喋不休的，離間密友。」阿Yu則表示：「平靜、安穩中度過，祝大家中秋快樂。」
■被網友鬧爆是狐狸精的Ruby，事發後「潛水」到新加坡。資料圖片
黃榕鬧爆好過份
Roy雖然聲稱與小三劉依靜（Ruby）已分手，但Ruby仍以經理人身份幫Roy接洽工作，更被踢爆他藉家暴醜聞坐地起價，據知要求酬金加三倍，被主辦單位嫌棄形象差而叮走。黃榕和「綠魔」Karl昨到澳門出席品牌Something Macau開幕派對，Karl承認最初店主想請Roy：「每個嘉賓都有幾千蚊利是，我聽店主講Ruby要求加錢，我諗店主唔係好渴望邀請佢天皇巨星咁樣駕臨。」Karl還藉黃榕當年和陳冠希的緋聞揶揄Roy：「黃榕都冇坐地起價，反而仲減價㖭」黃榕亦插爆Roy：「近排成日利用新聞出騷，真係睇唔過眼，𠵱家仲要加錢都好過份，咁樣工作態度好唔得。」同場的尹蓁晞則否認跟陳偉成閃電翻撻。
至於甘做小三的Ruby繼續玩「潛水」，有自稱Mr.T的高登仔卻抵死抽水，在網上發帖：「Ruby已經係我嘅人，請大家唔好再傷害佢，呢件事已經令到佢身心疲累，絕對需要我嘅保護同愛護。」記者致電向Ruby求證，惟截稿前沒有回覆。
■今日中秋節，未知周永恒和趙頌茹會否一家團圓慶祝呢！資料圖片
■黃榕（右）和Karl不屑周永恒坐地起價，尹蓁晞（左）則否認和陳偉成閃電復合。
可嵐明白Yu感受
此外，身為Roy夫婦好友的可嵐前晚在旺角出席活動，希望事件可和平解決：「有send訊息畀阿Yu，佢都有覆我話OK，自己經歷過類似事情，好明白佢心情係好複雜又恐懼，但依然有愛，又好掛住兩個女，不過阿Yu一手一腳湊女，冇請工人。」
採訪、攝影：黃曉妍、溫敏芝
■可嵐希望周永恒和趙頌茹可以和平解決事件，千萬不要意氣用事。
|
鍾意就快D Share啦！
|
|
|
