2014年9月20日星期六

客廳篇：王菲瞓霆鋒大髀甜蜜激吻霆鋒,王菲,謝霆鋒,

【短片】【鋒菲復合】客廳篇：王菲瞓霆鋒大髀甜蜜激吻

2014-09-20 19:07:00

其他影片：>>

王菲霆鋒啜爆瞓大髀

戲肉嚟喇！

本來喺廚房傾閒偈嘅霆鋒同阿菲，之後就出返客廳坐喇。不過兩個就坐到隨開幾條街，霆鋒面向窗外、而阿菲就自己坐地下望電視，好似有啲咁拘謹喎。隔咗一陣，傾多幾句之後，霆鋒就坐咗去阿菲旁邊喇，仲趴低埋同用右手托頭，但係霆鋒又搲吓頭、又搲吓大髀咁，好似仲係有啲緊張。

不過唔緊要，呢個時間阿菲一瞓就枕咗喺霆鋒大髀，氣氛就即時輕鬆晒，霆鋒亦都拍咗阿菲膊頭幾吓回應，之後霆鋒就開始講到手舞足蹈開心返埋嚟喇。

講得咁耐真係口水都乾，唔使擔心，阿菲親自開支來佬礦泉水俾霆鋒飲，仲開心到一齊碰個杯「Cheers！」，又確係飲得杯落嘅！

嘢就飲完喇，阿菲就突然轉頭面向霆鋒，呢個時候，最浪漫嘅一刻出現喇。霆鋒同阿菲咀嘴足足3秒鐘，之後阿菲好自然咁擰開，霆鋒就托住自己個頭，露出好sweet嘅微笑。之後佢哋又相視而笑，再碰多次杯飲嘢。

呢個故事就係咁，一直流傳落去喇~

戲肉嚟喇！