掃呢頁CODE去手機

2014年9月14日 星期日

綜藝節目倒水 無綫減薪藝員遭殃




綜藝節目倒水 無綫減薪藝員遭殃



其他影片:>>






綜藝節目倒水裁員止血 TVB減薪藝員遭殃

無綫年年賺錢,但節目質素每況愈下,今年更因高成本投資的世界盃項目影響,令中期業績受挫。有傳無綫管理層為補鑊諗計節流,要裁減達一百名幕後人員;就連藝人亦不能倖免,被迫減薪或凍薪,部份三、四線藝人最陰功,減幅達三分之一,月薪低於6,500元慘過最低工資。

無綫最近傳出大地震,要裁減達一百名幕後人員,雖然無綫例牌否認;但據幕後人員透露,早在一個月前各部門主管已被高層下令草擬一份裁員名單,當中包括網絡電視、收費電視員工,而且綜藝科更成為重災區。有指大信封原本於前日發出,但消息被披露後,無綫惟有暫時忍手,但據悉最快一批將於下周收到大信封,而整個裁員名單亦於今年底完成。



【億萬投標】

■傳無綫以約4億元購得世界盃獨家播映權,可惜收益遠遜預期。資料圖片



【外援重皮】

■鍾嘉欣遠赴韓國與韓星延正勛拍微電影《愛情來的時候》,還用當地攝製隊,令開支大增。劇照



【製作豪花】

■今年港姐舞台搭建了溜冰場及水池,傳超支要用埋明年預算填數。

資料圖片

月薪慘過最低工資

幕後員工人心惶惶,藝人其實亦受牽連,有傳不少續約藝人被減薪或凍薪。剛出走大台的石天欣略有所聞,她昨在電話中說:「近日就有藝員同事打畀我傾,話原本一年簽69個騷,但新簽合約就要求減20個騷;但對方其實係over show,即代表佢唔係冇嘢做,咁都要減真係好陰功。」問月薪可會過萬?她說:「冇可能啦,講真,我臨離開前底薪都唔到一萬。供強積金要過六千五,𠵱家有好多藝人都唔使供囉,可能慘過最低工資。」

剛離開無綫首次自己接工作的高鈞賢,昨日在灣仔出席髮型店開幕活動,傳無綫裁員,他說:「我有睇報道,大公司有大公司人事複雜。」慶幸自己早走?他說:「咁又冇,如果簽咗就唔會裁我,其實最唔捨得工作人員。」高鈞賢在05年簽約無綫8年,其間亦曾兩度被凍薪和要求加簽2年,在08年無綫第二次要求他加簽的時候,高鈞賢斷然拒絕,他說:「一次又一次加簽,我都唔想無止境咁加,都唔知自己個方向,所以叫佢畀番凍薪嘅人工我,今年咪可以走囉!」



■高鈞賢曾多次被要求凍薪,令他心灰意冷。

節目製作蝕多過賺

無綫急於節流的主要原因,是今年無綫業績欠理想,上半年除香港及台灣外,無綫幾乎全部的海外市場收入都出現跌幅,海外收費電視業務更錄得虧損2,380萬元;而截至6月止,無綫中期盈利跌9%至7億元,中期息0.6元,為近三年來最差的中期業績。無綫原希望借世界盃帶挈大量新客戶訂購收費台,可惜如意算盤打不響,傳用4億元投得的世界盃獨家播映權,令成本大增;而高調大搞的《低俗講波團》口碑亦差,有幕後人更鬧爆「太cheap」拉低收費台形象,故盛傳收費電影台揸弗人杜之克地位亦岌岌可危。

余詠珊上場後,製作了不少高成本的「倒水式」節目,如本年初找來佘詩曼、王祖藍及鍾嘉欣等分別到新加坡、日本、韓國等地取景拍微電影式節目,除邀請外援之外,還指定要用當地的攝製隊,令成本大增。還有今年的香港小姐競選,為省靚招牌,無論舞台和服飾都好揼本,但卻因使得太豪,連明年預算都用埋,可惜收視一般,令節流方案不得不行。

採訪、攝影:嵐山、非非、黃曉妍



■無綫今年的中期業績欠理想,難怪有傳要節流。資料圖片



鍾意就快D Share啦!