掃呢頁CODE去手機

2014年9月10日 星期三

[FACE 381] 有喜事 廣州見家長 少時 Jessica阿嬌舊愛婚戒曝光 阿嬌,少女時代,少時,Jessica,熱門,婚戒,鍾欣潼,MF,




上月 2日, Jessica隨少時來港開雜錦騷,步出機場時,亦見她戴着同 K先生微博相中同款的女裝婚戒,更跟 K先生一樣戴在無名指上。

真面目

有喜事 廣州見家長 少時 Jessica阿嬌舊愛婚戒曝光

韓國第一女團少女時代的成員,去年輪流公開有男友,惟獨索女隊員 Jessica,同阿嬌舊愛權寧一( K先生)傳出拍拖 1年半有多,依然死口唔認。

上週, Jessica再度來港出席名牌活動,然後北上廣州舉行內地首個粉絲見面會搵人仔, 2人當然唔放過密會機會。上週六( 6日), Jessica在廣州舉行 FM期間,便有粉絲目擊 K先生陪同 Jessica父母坐在觀眾席捧場一家親。最近 K先生更突然於微博上載一對婚戒照片,咁啱 2人經常戴住同相中同款戒指,睇來好事近喎!







少時索女 Jessica,自去年初爆出同阿嬌舊愛 K先生暗交後,不時專程由韓國飛來香港密會男友。雖然 2人一直冇公開認拍拖,但 K先生不時在社交網站洩漏同 Jessica交往的秘密。

Jessica的粉絲非常眼利,一眼睇得出兩人戴住同 K先生微博相中同款婚戒,仲好細心圈埋出嚟。

今年 5月, K先生出席了一個朋友婚禮,更同時上載咗 1張結婚戒指照片上微博相簿。不過 K先生一直冇講明這一對婚戒係屬於朋友,定係佢嘅。

今年 6月, K先生 34歲生日,無名指便戴了上圖同款戒指,更刻意讓戒指入鏡。網上圖片

12年尾,阿嬌被爆跟韓籍富二代 K先生拍拖。拍拖期間,英皇更高調宣布跟 K先生的娛樂公司合作。翌年傳出阿嬌難忍 K先生花弗,戀情維持 10個月便玩完。

微博晒婚戒

最近 K先生便於微博上載一輯去友人婚宴的相片,而且更加放一對婚戒照片。雖然 K先生並無說明婚戒是否屬於友人,但有眼利的 SONE(少時粉絲)卻發現 K先生與 Jessica近來分別戴着與相中同款的一對婚戒出席公開場合。上月頭 Jessica同少時來港開雜錦騷《 Best of Best in HK 2014》時,亦戴着與相中同款的鑽石戒指步出機場,疑似好事近。

上週五( 5日), Jessica由韓國飛嚟香港出席 Valentino活動,同場還有謝霆鋒。霆鋒話:「我哋係好好嘅朋友,希望將來有機會合作。」可惜 Jessica只跟負責該活動的公關公司 CEO鄭紹康( Francis)合照,並冇同霆鋒影相。

網上圖片

網上圖片

外父外母政策

網上暗晒幸福已夠 sweet,上週五( 5日), Jessica來港出席名牌 Valentino活動後,便於翌日趕上廣州,與妹妹 Krystal出席「李寧廣州見面會」。活動後有歌迷報料,話當日 Jessica緋聞男友 K先生亦有出現,更行外父外母政策,陪同 Jessica父母一齊坐於觀眾席後排位置。活動後翌日, Jessica即現身銅鑼灣利園商場,跟男友 shopping。

雖然大部份 SONE都唔喜歡 K先生,但 Jessica似乎中晒「 K」毒,大家分分鐘要改口叫 Jessica做權太。

Jessica同 K先生雖然唔認拍拖,但上年就被影到 2人一齊去銅鑼灣利園商場 shopping,好 sweet。

2人暗交 1年半有多,不時被影到夜蒲,但搭上過阿嬌的 K先生仲未被 SONE認同,微博更經常被 SONE留惡言洗版。

上週六在廣州 FM, Jessica細妹 Krystal亦跟姐姐一齊亮相。當 Jessica被問到如流落荒島會帶什麼時?佢答會帶手機,即惹起 Krystal撒嬌,場面搞笑。

上週六( 6日) Jessica由香港北上廣州開個人見面會,唔少 fans目擊 K先生同 Jessica父母坐喺台下捧場。加上當晚全場 3千粉絲大合唱林憶蓮的〈至少還有你〉送畀 Jessica,所以 Jessica全晚都好開心,一出場就用中文講:「大家好,我是毛毛。」

今次 Jessica廣州 FM係由李寧體育用品主辦,而 K先生亦被網友發現佢着住李寧牌運動鞋,明顯要引人注意。

網上圖片

戀愛時代

雖然 Jessica同 K先生死口唔認拍拖,但由今年頭開始,其他少時成員便輪住宣布拍拖,少女時代變戀愛時代。其他冇拖拍嘅姊妹加油

3年♥♥♥♥

2年半♥♥♥

1年 9個月♥♥

1年♥♥

7個月♥

徐賢 冇着落

隊中以成員徐賢最乖,一向學業要緊嘅徐賢,上月剛於東國大學戲劇電影科畢業,邊有時間拍拖。

Sunny 冇拖拍

Sunny係少時中最跳得成員,一直醉心於舞台表演,暫時冇心拍拖。

Yuri 唔想拍

有傳 Yuri唔少人追,但現時又要拍劇,又要到海外巡唱,暫時以事業為重。



鍾意就快D Share啦!