掃呢頁CODE去手機

2014年10月21日 星期二

張致恒跑步玩「姊弟戀」 遭撞破勁尷尬 張致恒,




張致恒同莊端兒成個拍拖過程都好PURE好TRUE,唔信帶大家逐格睇。

next 1/1 pre

見莊端兒想坐低休息,張致恒即刻幫佢抹乾淨張櫈之餘,仲扶住佢嚟坐低,好體貼呀!

next 1/1 pre

喺海邊談情嘅時候,張致恒雖然動作多多,但都只係搭吓膊頭、摸吓頭仔同手指指,純過蒸餾水。而畀張致恒冧得一陣陣嘅莊端兒,就以一個深情眼神回望男友,冧到哩。

next 1/1 pre

之後張致恒起身跑步,莊端兒除咗用手機影低男友嘅英姿外,仲不時甜笑。

next 1/1 pre

連喺張櫈上面都可以玩一餐,唔講仲以為佢哋係初戀。

next 1/1 pre

張致恒同莊端兒傾計時,女方全程甜笑。

next 1/1 pre

不過當二人發現記者後,粉紅色氣場即時被破壞,張致恒一度皺眉同扁嘴,而個女仔就好怕醜,係咁耷低頭。

next 1/1 pre

跟住莊端兒危險速逃,留低張致恒獨自面對記者,而異常緊張嘅張致恒,除咗傻笑、R頭、仲要單眼,真係唔明點解佢要咁緊張。

next 1/1 pre

模特兒莊端兒(Xenia)擁有豐滿身材。

next 1/1 pre

29歲的英皇藝人張致恒(Steven)緋聞多多,近年信主的他徹底改過,單身多時終於被爆有新戀情!

下午4時許,Steven被發現在觀塘海傍長廊跑步,身邊有一位紮辮的女子相伴,原來對方是現年31歲、曾獲香港珠寶小姐季軍及最親善小姐的莊端兒(Xenia)。兩人坐在面向海邊的長椅吹風談情,期間Steven忍不住搭着女友膊頭,又用手輕撫其秀髮,當Steven跑步時,Xenia則走到搖搖板安坐等候男友,又用手機為男友拍照。

女友見記者速逃

當記者衝前影相時,Xenia嚇到立即竄走,被撞破的Steven則尷尬得手足無措,更擔心得不停摸頭。問女友是否圈中人?他口窒窒說:「一半半,呢度風景好,喺呢度跑步。(公司知你拍拖?)知,身邊好多人都知。」全程勁不自然的他,又用手摸着嘴角及摸心口。問是否視女友為結婚對象?他說:「啱啱開始冇幾耐。(女友被嚇走?)唔係成日對鏡頭,係尷尬啲。」繼而頭岳岳周圍搵女友,問可否影合照?他說:「下次佢唔係好慣,Sorry。」隨即講拜拜走人。

帶女友見家長

事後Steven在電話中坦承戀情剛萌芽,兩人是經朋友介紹認識,並直認帶過女友見家人:「全家見過,佢哋覺得OK。(女友怕醜?)經驗少嘛!(純情拖手仔?)我哋好規矩。」又稱雖然已到錫錫階段,但沒有同居,公司及身邊朋友都知他拍拖:「感情事好低調,只係以前身邊人高調。(佢係結婚對象?)相處吓先,不過我都想佢係,入行咁耐想過正常人拍拖生活。」

女友讚有責任感

從事珠寶工作的Xenia,則大讚Steven體貼細心,兼懂得照顧人:「佢親自下廚煮嘢畀我食,好叻,識煮嘢嘅男人會加分。(Steven被指花心漢?)都知,都聽過,大家相處過一段時間,佢畀我感覺同報道唔同,好有責任感。」她亦坦承見過家長:「感覺佢對我好認真。(結婚?)了解多啲先。(怕唔怕壓力?)今日都好驚。」



鍾意就快D Share啦!