鍾嘉欣碎花靚爆 子珊態勇吸睛
「星和無綫電視大獎2014」紅地氈上，一眾花旦小試牛刀鬥搶鏡，當中以佘詩曼及鍾嘉欣最受歡迎，亮相時粉絲夾道歡呼支持。剛「升呢」人妻的陳敏之以白色晚裝亮相，唔錫身大騷長腿，卻被司儀取笑是否穿着婚紗走紅地氈，旁邊的馬明即打趣說：「敏之畀人搶咗，本嚟我哋都打算結婚。」鍾嘉欣以花裙亮相並謂：「新加坡係一個美麗嘅花園城市，所以我特登揀呢條裙嚟襯番。」結果她憑碎花長裙奪得「靚爆星光大道獎」，領獎時她被要求上台重演多次行catwalk，嘉欣就邊揮手邊攞住獎項，恍似當年選美得獎時的模樣。
徐子珊則以一襲粉色露背裝現身，相當吸睛，狀態回勇，她笑指自己做足安全措施：「近排忙拍劇，都冇時間搵戰衣，好彩有個做styling嘅朋友幫手咋。」穿吊帶低胸裝的林夏薇與蕭正楠現身，至於岑麗香在台上被司儀以普通話訪問，她隨即露出尷尬表情，表示自己不諳國語，希望以英語回答。至於王祖藍孖住與薛家燕現身。
|
鍾意就快D Share啦！
|
|
|
