掃呢頁CODE去手機

2014年11月7日 星期五

[忽然1周 - 1006] 有何媽何韻詩冇有怕 何韻詩,MW,




大會真係「隆重其事」,出動十幾名保安,單係呢張相就已經出現咗 8個喇!不過,喺現場冇藍絲嘅人搞事,阿詩真係鬆咗一口氣。

媽咪姐

有何媽何韻詩冇有怕

呢期黃絲藍絲大鬥法,媽咪姐一開電視,都梗係每日 4點見到許 Sir「重申一次」,真係唔裝番個香港電視 apps睇啲新劇都對唔住自己呀!

班藍絲前排仲話只要何韻詩出席嘅活動,佢哋就會去踩場喎。前幾日咁啱阿詩真係有工開,大會睇嚟有啲驚,真係請咗十幾個保安俾佢!現場阿詩嘅粉絲真係好多,媽咪姐班行家朋友都唔少,但大台嘅攝製隊就失蹤。好彩係一個藍絲帶都唔見,反而媽咪姐喺遠處發現何媽媽嘅身影,佢仲着到好潮咁到場,又同班後生仔女傾偈。有阿媽睇住兼收風,唔怪得阿詩咁淡定

阿詩唔止有大批 fans撐,何媽媽靜靜雞都去咗現場,仲猛同阿女啲 fans好好傾㖭。

雖然老闆林建岳話好多學生去佔領區只係為咗睇明星,但阿詩就解釋,認為老闆只係擔心學生嘅安危啫。



鍾意就快D Share啦!