全城熱爆的娛樂八封新聞 & 時事趣聞 & 生活 + 趣聞
老細，對手好強喎！（設計對白）
港視來勢洶洶，大台高層余詠珊話就話未驚過啫，查實戲劇組嗰邊已經收到老細 order要全力打仗！
但大家有眼睇，近年大台啲劇收視低處未算低，今年就快完，計落都係得《使徒行者》叫做睇得又收得。所以大台欽點《行》劇嘅監製文偉鴻，喺下個月開套關於性嘅新劇嚟迎戰。卡士定咗由新婚嘅陳敏之（同文監製傳過緋聞呢！）做性治療師，張兆輝就做一個處理性障礙嘅社工。而啱啱先向阿 Bob獻出初吻嘅細細粒（陳嘉佳），今次「再下一城」！同「 Benz雄」做一對有性困難嘅老夫少妻。 Well，重口味到咁，怕唔怕觀眾「虛不受補」呀？
如果你以為細細粒同阿 Bob狂咀已經係好重口味，嚟緊呢套性劇，會換上「 Benz雄」，噢！
講時講，咁啱港視劇《大眾情性》，都係以性為題材，由歌手陳柏宇主演，講處男、性障礙女生同性愛老手嘅故事喎。
張兆輝第一次同敏之合作，女方擺明 sell長腿，輝哥就話自己第一次拍「性」題材，已經同老婆報咗案。講到大台近年收視差，佢就話：「收視我哋管唔到，希望做多啲宣傳啦。」
