2014年11月14日 星期五

[忽然1周 - 1007] 識睇,梗係咁樣睇港視! 港視,MW,




媽咪姐

識睇,梗係咁樣睇港視!

媽咪姐依家嘅心情真係好激動!要爆喇!下星期三( 19日)香港電視開台呀!我哋終於脫離死「捱」一個電視台嘅黑暗日子,嗚嗚嗚∼







艾威 BB話,個個以為佢有份做港視嘅《警界線》。其實佢係喺《三面形醫》做型仔醫生至真。「有幕講我接生,劇組好認真,個 BB係真㗎!佢喺個肚一出嚟就識喊,幾勁呀!」

好嘞,抹乾啲喜極而泣嘅眼淚先,問題又嚟喇!好多靚太 friend問媽咪姐,究竟點睇呢?嗱,媽咪姐率先搵咗港視戰將艾威問一問,佢話:「哈哈哈!查實我係上網白癡,呢啲嘢都係交俾老婆搞。不過,嚟緊我會買部智能電視( SmartTV),咁一開電視就睇到自己套劇,爽呀!」

所以話呢,一個成功男人嘅背後,總有一個精明能幹嘅女人㗎。媽咪姐就梗係其中之一一早做晒功課,收到風港視初期每日會有兩個鐘自家劇集同半個鐘綜藝節目,再加 4個鐘嘅外購劇, 24小時循環 loop,免費睇!

我仲搵定方法令大家可以隨時隨地都嘆到港視新劇。唔好等嘞,各位靚太姊妹好友,快啲學晒下面 4種睇港視心法,梗有一種啱你呢! Yeah,幾時都話,有得揀,先至係老闆!

Smart TV最好睇

香港人係值得一人一票,去決定佢哋心目中嘅特首!

有咩好得過,一開電視就可以睇李心潔喺港視開台劇《選戰》入面爭取公義吖!其實 Samsung同 LG大部分喺 2012年至今年推出嘅智能電視,都可以喺 Samsung Smart Hub或 LG Store嗰度,下載「 HKTV直播」 app。 Sony亦公布咗會加入支援,讚!

對應 App: HKTV直播

對應品牌: Samsung、 LG

TV Box要揀啱

你未買 Smart TV唔緊要!可以用 Android嘅 TV Box收睇㗎。不過市面咁鬼多 TV Box,唔係款款都啱用,最好等港視官方公布啦。依家小米盒子同樂視盒子都證實睇到,大家可以用 USB手指或者直接開瀏覽器去 HKTV官網下載 apk檔,得咗!

apk下載點:http://www.hktvmall.com/#devices

電腦都方便

查實如果喺屋企用開電腦嘅話,一 click上 HKTV個官網都可以無限煲劇,超方便!提提你,之前喺 YouTube上播第一集、有過百萬點擊率嘅《警界線》,會貼住《選戰》一齊喺 11月 19日開播,終於可以睇智叔做悍匪,正呀!

HKTV網址:http://www.hktv.com.hk

手機平板 Android先

搭車搭船等人等位嗰陣,唔係唔煲劇吓嘛!想用智能手機同平板電腦睇港視,首先要裝 app。 Android版本已經上架,暫時公布話 iOS版本會喺 11月 19日上。「果迷」要𥄫住喇!

對應 App: HKTV

平台: Android、 iOS

下載點:http://www.hktvmall.com/#devices

大把好嘢等你睇呀!(設計對白)



鍾意就快D Share啦!