2014年11月8日 星期六

沖繩預支蜜月 鄧健泓 石詠莉明年結婚 石詠莉,鄧健泓,




【短片】【C1頭條】沖繩預支蜜月 鄧健泓 石詠莉明年結婚

2014-11-08 00:30:00



其他影片:>>






【C1頭條】沖繩預支蜜月 鄧健泓 石詠莉明年結婚

鄧健泓一向女人緣旺,先後與索女原子鏸、李詩韻和龔嘉欣拍過拖,令不少網友「葡萄」到爆!不過,剛踏入4字頭的Patrick口味亦有改變,前年傳暗撻豬扒港姐張嘉兒,今年初又「速食」前組合Freeze成員石詠莉,兩人合作演出舞台劇《大酒店有個荷李活》時一撻即着,拍拖不足兩個月已經同居,早前Patrick外婆離世,Sukie亦同坐主家位置幫忙打點。

據悉Patrick自覺年紀不輕,與Sukie雖然未正式公開戀情,但已視對方為結婚對象。早前兩人偷偷到沖繩預支蜜月,在浪漫環境下談婚論嫁,並達共識將於明年拉埋天窗。上月底Sukie忍不住在微博、facebook及instagram輪流洩蜜,她貼上一張面圓圓相片說:「胖了一點點,沒關係吧!快樂幸福就好。」即被網友指是「幸福結婚相」獲不少人祝福,鄧健泓亦留言說:「Oh……sweet.」另一條介紹沖繩海灘的短片中,更清楚見到Sukie右上中指戴上一隻疑似訂婚戒指。

Sukie雖只貼單人照,但明顯是有人幫手楂機,男主角身份可謂呼之欲出,因為其中一段Sukie大讚流動wifi好好用的自拍片,Patrick在同一日開心share也有用英文留言讚同一牌子。

現年27歲、擁有35D豐滿身材的Sukie其實為愛郎犧牲很多,由從前「賣肉」博見報,與Patrick拍拖後變得低調,為護愛苗,即使被影到食飯、行街都死口不認。但紙包不住火,Sukie昨日在電話終首度承認戀情,她說:「同佢一直有共識,希望低調處理感情事,我哋依家處於一個努力工作、儲緊錢嘅關係,所以唔會特別公開講啲乜。」Patrick在網留言「Oh sweet」Sukie冧爆說:「佢成日都咁講嘢0架。」

二人到沖繩旅行,難道是預支蜜月?Sukie說:「其實係半工作,做嘢之餘休息多兩日啫。」是否有人送求婚戒指?她支吾以對說:「哦……咁,其實我成日都戴(戒指)。」Patrick已經40歲,是否趕住明年結婚?她哈哈笑說:「佢都未求婚,好難答你係咪。老實講係有溝通過,真係有同一方向同思想,如果定咗會同各界通知聲。」是否恨嫁?她說:「順其自然啦,我都好想自己有幸福家庭,年紀都唔細,我亦都鍾意小朋友。」而Patrick亦在電話默認說:「對感情將來係有計劃嘅,十劃得少少。」





當年的性感女神石詠莉,為男友鄧健泓不惜封胸做賢妻。





上月石詠莉連環貼出遊沖繩的相片,更透露了預支蜜月的玄機。



鄧健泓與石詠莉素顏行街,默契十足。



二人睇家庭用品,似為結婚做好準備。



石詠莉在微博疑似晒訂婚戒。



鍾意就快D Share啦!
Related Posts Plugin for WordPress, Blogger...