【韓流】姜敏赫殺入銅鑼灣掃貨
2014-11-25 08:00:00
姜敏赫趁離港前去銅鑼灣掃貨。(微博圖片)
韓國人氣樂隊CNBLUE鼓手姜敏赫，前日喺馬鞍山主持聖誕亮燈儀式冧爆500名粉絲後，隨即到酒店接受傳媒訪問，更即晚搭夜機離港。
雖然時間十分緊逼，但姜敏赫仍然爭取時間購物，趁離港前去銅鑼灣掃貨。着住冷衫嘅敏赫一行入希慎道嘅時裝店時，即刻被認出，不過敏赫未有理會成為焦點，繼續喺店內自得其樂地行咗幾個圈，睇衫又睇袋。
姜敏赫前晚亦有更新微博，公開咗自己收到粉絲所送嘅蛋撻、雲吞、魚蛋等香港美食嘅相，佢話：「托大家嘅福，我同工作人員都食得好開心， 希望下次可以快啲帶住CNBLUE嘅演唱會再來見大家，謝謝香港！」
姜敏赫前晚亦有更新微博。(微博圖片)
(微博圖片)
(微博圖片)
(微博圖片)
|
鍾意就快D Share啦！
|
|
|
