【掟煲唔掟蓋】胡定欣仍留渣甸山愛巢 同闊少男友未分手？
2014-11-25 11:34:00
胡定欣有一顆恨嫁的心，與闊少Patt呢段兩年情，應該仲有得救。
分手呢家嘢，最緊要識得「好嚟好去」，咁翻兜都冇咁突兀。好似33歲胡定欣咁，一心希望35歲前嫁得出，無奈同闊少男友沈栢淳(Patt)分手，但又奇喎，話就話分手五個月，但今年五月先至俾人影到拍拖行街街，八月又一齊睇演唱會，計來計去，條數都唔啱囉。
而定欣分手後嘅表現都好離奇，完全冇事一樣，係除咗喺好姊妹胡杏兒同胡蓓蔚生日飯局上有啲感觸之外，都係正正常常開工，有問必答——特別係講Patt嗰陣。之前杏兒同黃宗澤分手時，杏兒提到唔想提，仲即刻搬，唔想同黃宗澤住樓上樓下尷尬，但今次定欣完全相反。
係喇，重點就係喺呢度。話說之前定欣同Patt拍拖未幾，已經話咁快搬入男方位於渣甸山嘅屋企過其同居生活，一則可以方便日對夜對，二則可以睇實有偷食前科嘅男友，而且仲打鐵趁熱，拍拖得嗰兩年，已經定婚期係今年。咁依家分咗手點算？今日有報道就話，定欣唔止冇搬，而且對舊愛處處口下留情，究竟搞邊科呢？
據報道話，定欣同Patt依家只係陷於冷戰，未完全斬纜。而且，一心希望35歲前嫁得出嘅定欣，對Patt仍未死心。如果Patt仍然想箍煲，都仲有機會0架。
今年五月被本報拍得兩人甜蜜約會。
去年愛得纏綿之際，雙雙買靚酒回家共度漫漫長夜。
定欣當時已搬入男方位於渣甸山之寓所，一心等嫁。
|
鍾意就快D Share啦！
|
|
|
