【短片】【C1頭條】向華勝遺願再拍《賭神》 屬意發哥黃曉明演師徒
2014-11-22 02:04:00
向華勝生前一直希望再拍經典電影《賭神》，遺願將由親侄展邦完成，最快明年中開拍。據知，演員屬意黃曉明夥拍周潤發演出。
先後製作過多部經典電影的向華勝，生前曾想再拍永盛電影顛峰時期的代表作《賭神》，目標是可以在內地上映。多番奔走下，電影已經到審批階段，但因為患病令工作都停頓下來，不過其姪向展邦的電影公司將會接手，完成細叔的遺願。
向展邦昨日接受電話訪問時承認將投資開拍《新賭神》一片，他說：「陣容暫時未定實，所以唔講得住。十三叔走嘅時候好安詳，我同阿叔講『一路走好』。」
據知，向華勝生前已屬意黃曉明飾演新賭神，跟周潤發這位神級賭神以師徒關係在銀幕出現，預計最快明年中開拍。其實早在09年向華勝接受本報訪問時，他對當時仍未大紅的曉明已經讚不絕口，他曾說：「我覺得古天樂同黃曉明都係戲路可以好廣嘅演員，特別係黃曉明，假以時日，佢係前途無限。」
對於向華勝的死訊，黃曉明昨回應說：「勝哥是一個傳奇，我有幸於他生前合作過，原本他跟我談及幾部電影的合作，很可惜現在沒機會了，希望他一路走好！」
而周潤發昨在電話中表示很婉惜，更盛讚向華勝是電影奇才：「向生喺八、九十年代拍咗好多唔同類型嘅商業片，令港產片可以衝出海外，令電影更出名同受歡迎。我亦同佢合作過好多戲，佢份人好風趣、幽默、抵死，講嘢滔滔不絕，永遠只有佢講，人哋冇機會插嘴，天南地北乜都講。」有指向華勝遺願是返大陸開拍《賭神》，發哥謂：「用呢個名可以攞到批文咩？得嘅話到時睇劇本囉。」
有指向華勝遺願是返大陸開拍《賭神》，更屬意發哥與黃曉明飾演師徒，對此發哥表示：「用呢個名可以攞到批文咩？得嘅話到時睇劇本囉。」
|
鍾意就快D Share啦！
|
|
|
