掃呢頁CODE去手機

2014年12月18日 星期四

[壹週刊 - 1293] 脫苦海 炒大台魷 迪士尼撈散 石天欣 54蚊一個鐘 石天欣,M1,




早前為預備馬拉松練跑,石天欣自言練得一身結實肌肉。

探熱針

脫苦海 炒大台魷 迪士尼撈散 石天欣 54蚊一個鐘

曾經是無綫電視劇常用「被強姦受害人」的石天欣,入行四年,月入六千連最低工資都唔夠,不甘繼續被剝削,今年九月主動提前解約,炒大台魷魚!肯做唔怕餓死!只有二十二歲的石天欣,近日到迪士尼做兼職,扮美國村姑 sell客執貨氹細路,時薪五十四蚊,點都好過留在大台,不停被「輪姦」。

合照排長龍

上週四(十二月十一日)中午,著住迪士尼美國小鎮制服的石天欣,在專賣主題樂園產品的 emporium出現,過去四年,一直在大台劇集「捱姦」的她,好快便被遊客認出,捉住她合照,之後更出現人龍,排隊輪住影。

逐一滿足大家要求後,石天欣唔敢怠慢,立即埋位開工幫手 sell產品,有小朋友要買玩具,她會𠌥低身慢慢講解,一流服務態度。

「本來呢段時間佢係要埋位拍戲,不過套戲突然押後開,天欣變咗無嘢做,聽見朋友話迪士尼有臨時工,佢咪去做幾個月,搵啲使用囉!雖然天欣做過演員,但同其他人一樣要經過面試,佢一次搞掂,第二日就返工。」知情者說。

遊客合照

氹細路

攞貨

在《仁心解碼 2》,石天欣又被輪姦,試過有內地網民睇完劇照信以為真。

走出地獄

肯搏肯捱,就連錢國偉都搵她到韓國拍 MV,石天欣亦大方晒長腿。

落到場,石天欣執貨搬貨乜都做,返工兩個多星期以來,因為經常被遊客認出,合照時間幾乎佔去開工時間十分一。

「天欣都冇諗過第一日開工就會俾人認出,好彩公司(迪士尼)冇詐型!佢話開工全日走來走去 sell客冇得坐,但早排開始跑步練氣準備跑馬拉松,所以就算覺攰都唔覺辛苦;天欣仲話點都好過喺大台拍劇日等夜等,俾人糟質搞到周身傷要睇醫生咁慘,有五十四蚊時薪,起碼夠錢開飯先。」天欣身邊人說。

由六千蚊月薪開始,石天欣說過去就算做到爆騷,也只有萬多元一個月,捱過開工踩二百四十小時,得三千蚊酬勞的刻薄日子。如今在迪士尼做散工,絕對是離開地獄。

趁電影未開拍,石天欣早排就頻頻接活動幫補,其中一個「小丸子」騷,完場後,佢更留低影相做紀念。

近日推出的《飛虎 2》,石天欣都有份演出,更因而同梁琤熟稔。

石天欣在無綫時拍過唔少劇,同陳展鵬、陳茵媺合作過《單戀雙城》,至於身後的幕後一鳥,近日就被無綫炒魷。

劈炮有運行

大台以大欺小,唔少無綫人不勝剝削,寧願劈炮!外闖搵生機,發展隨時遠勝從前。

高鈞賢 兩個月賺夠兩年

05年香港先生冠軍高鈞賢,在無綫九年,做極都是強姦犯之類三、四線角色,試過因為被凍薪搞到抑鬱,今年九月約滿決定向外闖,現於國內拍攝新劇《山海經之赤影傳說》,兩個月收入,在無綫要捱兩年。

楊洛婷 一騷高過月薪

03年香港小姐亞軍楊洛婷,九月約滿不獲無綫續約,離大台後工作量有增無減,司儀騷價三萬起跳,高過在大台月薪。早前跟拍拖八年的 Dear Jane主音黃天翱拉埋天窗,做幸福少奶。

李雨陽 做多瓣賣雞

03年簽約無綫的李雨陽,搵唔到錢演出機會亦少, 12年轉投香港電視,為了生活有保障,聯同三個朋友合資搞網上冰鮮雞檔,親自送貨做多份工。



鍾意就快D Share啦!