Mandy Lieu冧掂洗米華殺入大馬搞飲食及房地產生意，同有不少生意的正印硬撼。
探熱針
正印大肚照飲酒 Mandy Lieu夾洗米華大馬搞樓盤
二十九歲混血女模 Mandy Lieu高調搭上澳門賭業猛人、太陽娛樂文化老闆周焯華（洗米華）後，刺激正印華嫂陳慧玲還招鬥法，兩女爭一男，招來招往。
最新戰況，是近日突然爆出華嫂懷孕四個月，但大住肚仍然飲酒，好激！至於 Mandy Lieu亦不甘示弱，冧掂男友殺入大馬家鄉搞飲食及房地產生意，其中一個新樓盤 Robson Hill已開始動工。兩女互片，戰情愈來愈激！
揸王牌好淡定
Mandy Lieu來勢洶洶，華嫂陳慧玲兵來將擋，並曾向身邊人透露心聲，指不擔心自己正印地位會受影響，或被其他人取代。
「華嫂話有信心會同老公過咗呢個『難關』，因為佢有咗四個月身孕，有咗呢張牌喺手，佢而家好淡定。不過佢大咗肚都照出去應酬同飲酒，就唔係咁錫身。」知情者說。
知道正印有咗餡， Mandy Lieu亦加快速度，愈霸愈多；早前更氹掂周焯華將生意版圖拓展到她有主場優勢的馬來西亞。
「之前阿倫同克勤嗰間左麟右李粥麵小菜，喺澳門新濠天地開分店，都因為華哥入咗股，所以先攞到個靚位開鋪；而家華哥計劃喺 Mandy Lieu地頭吉隆坡再開分店，已經籌備得七七八八，好快可以開張！」
在大馬搞飲食外，周焯華亦打算大舉進軍當地的地產業。
「華哥喺香港有班以前跟鄭裕彤做地產嘅朋友，大家坐埋傾咗好幾次，就度咗個大 project出嚟，佢哋覺得馬來西亞係東南亞地區之中，少數尚未完全發展地產商機嘅地方，所以佢哋會主力喺大馬發展，華哥第一個樓盤叫 Robson Hill，已經開緊工。 Mandy Lieu係大馬人，佢夾住華哥喺嗰邊搞生意，華嫂隔山打牛，好難搞！ Mandy Lieu呢招擺明係霸地盤，希望拉近均勢，同華嫂抗衡。」知情者說。
大仔英國出 App
陳慧玲有咗，正印地位更加鞏固，加上跟周焯華和前妻所生的兒子感情亦佳，為她加了不少分。
在英國讀書、快將考 A-level的周焯華長子周柏豪已經十八歲，最近他跟同學推出一個學生購物折扣 app，獲當地報章報導，華嫂即放上 facebook大讚叻仔；而柏豪的 ig亦不時上載跟華嫂的合照，「母子」關係親密。
柏豪亦有父親作風，愛廣結朋友，在他的 ig有許多跟不同國籍靚女的合照，部分夜蒲相亦玩得好盡興。
|
鍾意就快D Share啦！
|
|
|
