掃呢頁CODE去手機

2014年12月8日 星期一

19歲大女性感行騷 超鳳大讚:好大方自然 超鳳,BKD_S,何超鳳,




【短片】【賭王靚三代】19歲大女性感行騷 超鳳大讚:好大方自然

2014-12-07 23:44:00



其他影片:>>






【賭王靚三代】19歲大女性感行騷 超鳳大讚:好大方自然

賭王二房長女何超瓊(Pansy)、何超鳳同四房長女何超盈噚晚齊齊現身灣仔演藝學院嘅友誼社慈善ball,大會仲安排咗8位富二代行珠寶騷,包括有Pansy三個契女曾昭怡、曾昭令同曾昭亮、邱德根孫女邱詠麒、超盈、仲有超鳳嘅19歲大女何鍶珩(Beatrice)等,Beatrice仲係ball場處女行騷,佢雖然係年紀最細嘅一位,著上鄭兆良設計嘅低胸裙,但完全冇怯場,表現淡定,可以話係賭王靚三代嘅新力軍。

Beatrice依家喺美國長春藤之一嘅名牌大學普林斯頓大學讀第一年,記者問到超鳳對囡囡嘅表現,佢表示:「佢唔緊張,好大方自然,之前都有喺屋企練吓,都有問超儀點擺rock味道嘅甫士。」問到佢囡囡會唔會有興趣做幕前,定係幫手家族生意,佢表示:「畀佢自己決定,依家都係讀緊第一年未揀科,等佢畢業出佢做吓嘢攞吓經驗,佢之前都有喺外國啲銀行做吓暑期工,仲話儲咗錢請我哋食飯。」此外,超鳳透露賭王已出院返大宅休息:「佢OK,明白要保重生活,心情無乜掂,佢脾氣一向好。」



(攝影:梁錦雯、陳慧安)



Beatrice噚晚喺ball場處女行騷。





超鳳對囡囡嘅表現大讚。



鍾意就快D Share啦!