掃呢頁CODE去手機

2014年12月8日 星期一

張栢芝網上忽傳死訊 文華酒店24樓跳下? 栢芝,




【短片】【咁黑心嘅?】張栢芝網上忽傳死訊 文華酒店24樓跳下?

2014-12-08 02:43:00



其他影片:>>






【咁黑心嘅?】張栢芝網上忽傳死訊 文華酒店24樓跳下?

今日無啦啦有個網站,傳出張栢芝喺文華酒樓跌樓身亡嘅新聞,條題仲用「張姓女星跳樓死,遺書:最愛謝霆鋒....疑張栢芝跳樓死」仲整埋栢芝張黑白相,真係大整蠱!

我哋聯絡過栢芝o依家嘅經理人余毓興,佢話聯絡到栢芝本人,所以栢芝「健在」,即係呢單係假新聞。

睇返個報道內容,話張栢芝「昨今」(昨定今?)喺中環文華酒店24樓會所跳下,送院後證實不治,仲話係因為情緒問受因而尋死。又話警方喺佢身上發現遺書,仲講到似層層話係對前夫謝霆鋒無法抽離感情,但最搞笑都係段報道話向華強太太陳嵐都得知栢芝自殺嘅死訊,但向太o依家正身處劉嘉玲49歲生日派對,如果新聞係真,向太仲會有咁嘅心情?

其實文華24樓當年就一直報道係哥哥張國榮03年跳樓嘅地方,今次呢段新聞啲人唔知係咪抄返當年嘅報道?而該網站亦已將文章抽起,表示【已證實是假新聞】,不過去年哥哥生前的經理人陳淑芬就透露,哥哥並唔係於24樓跳下,因為健身房對住太子大廈,同哥哥跳樓處係相反方向。但文華酒店本來客房可以步出露台,之後亦改建成封閉的窗戶。





無啦啦傳呢段新聞,咁黑心?



之後該網站證實話係假新聞



其實文華已經改建咗,出唔到露台。



鍾意就快D Share啦!