胡杏兒續約 感情行先
胡杏兒及吳卓羲昨日宣傳無綫新劇《醋娘子》，有傳他倆約滿後或會離巢，二人透露仍在傾談新約的細節，更異口同聲指賺錢只是其次，實行感情行先！
有傳胡杏兒與Ron約滿後不再續約，他倆強調賺錢只是其次。
打扮成「新郎哥」的羅仲謙（左）及吳卓羲齊齊踢轎門搶「新娘」。
無綫「親生仔女」杏兒與Ron交杯對飲。
廣東話麻麻的香香事前翻譯劇本，做足準備工夫。
胡杏兒、吳卓羲（Ron）、岑麗香及羅仲謙等昨日現身電視城，出席無綫新劇《醋娘子》的宣傳活動，眾人一身古裝打扮，男主角吳卓羲及羅仲謙更打扮成「新郎哥」，在現場踢轎門搶「新娘」，「新娘子」杏兒笑說：「睇吓你哋下次邊個出席宣傳，先決定嫁邊個！」杏兒似乎取笑Ron及謙仔忙於在內地拍劇，稍後未知能否抽空出席劇集的宣傳活動。
連踩兩場
無綫「親生女」杏兒有傳不再續約，她透露新合約一直在傾談當中：「其實公司喺未有新聞出之前一直都有傾，不過慢慢傾錢唔係最重要，係有感情！（待遇好？）錢真係唔係最重要，係想睇吓自己條路可以點行！」雖然有其他公司招手，但她強調希望未來有不同的工作挑戰，問到新合約的着眼點是甚麼？她說：「想工作同生活搵個平衡太辛苦會好快老！」
同屬無綫「親生仔」的吳卓羲早前獲安排到內地拍劇，昨日專程回港的他，活動結束便會趕回內地繼續拍攝，提到是否有意離巢？他表示最近在內地工作，故未有時間傾談新合約內容，又笑笑口指在TVB「做到嘔」，否認被投閒置散。
香香揀定戰衣
而香香則指《醋娘子》是第一套古裝劇，故此甚大壓力，廣東話不靈光的她最怕拍古裝，正式開拍前做足功課了解劇本：「我拍之前翻譯晒啲劇本希望更加明白個意思，套劇裏面我叫山楂，我就翻譯做Sandra！」
另外，她昨日出席活動時指古裝打扮得意：「第一次拍有少少緊張，係一個唔同嘅世紀，我盡咗力。（拍古裝難啲？）對我係難啲，我喺外國長大，冇咩接觸中國歷史，都問咗好多朋友，由頭到尾都好投入。」並自爆為台慶頒獎禮落力操Fit，近期鍾情游水及跑步：「自己聽住Headset跑。（有人搭訕？）冇，我跑得好快！」揀定戰衣的她透露不會行性感，亦不擔心被人搶鏡。
有傳胡杏兒與Ron約滿後不再續約，他倆強調賺錢只是其次。
打扮成「新郎哥」的羅仲謙（左）及吳卓羲齊齊踢轎門搶「新娘」。
無綫「親生仔女」杏兒與Ron交杯對飲。
廣東話麻麻的香香事前翻譯劇本，做足準備工夫。
|
鍾意就快D Share啦！
|
|
|
