掃呢頁CODE去手機

2014年12月17日 星期三

[FACE - 395] 中女收𡃁 黃絲孖咇  41歲狼虎葉蘊儀吞 30歲嫩虎 葉蘊儀,MF,




9年男友 Tiger

早前葉蘊儀同 Tiger一齊到金鐘佔領區撐學生,未發現記者前,葉蘊儀同 Tiger俟到實一實,仲一齊玩手指鬼咁溫馨添!

真面目

中女收𡃁 黃絲孖咇  41歲狼虎葉蘊儀吞 30歲嫩虎

金鐘旺角銅鑼灣相繼被清場後,宣告佔領行動暫時結束。

被封為「民主女神」的葉蘊儀,於佔中的 79日間,不斷留言撐學生,亦有用行動支持親自落場靜坐,出心出力。早前趁有空檔,被影到同嫩男去 IFC睇法國片,雖然事後聲稱只係大學同學睇齣戲,但本刊發現兩人其實係拍拖 9年的情侶!葉蘊儀男友 Tiger今年 30歲,係就係細葉蘊儀 11年,不過兩個都係黃絲一族,其實上月已經被《 FACE》撞正孖住去金鐘靜坐,政見一致啱晒嘴形,姊弟戀又有乜好怕喎!

唔怕被封殺嘅圈中藝人,除了何韻詩王宗堯走在最前線外, 41歲葉蘊儀其實亦係由頭撐到尾,由最初只在 fb留言,到後來親自落場支持,「民主女神」一直堅持撐佔中。

急彈開

見到有人影相, Tiger即時擰歪面彈開坐,唔知分分鐘以為兩個偷情。

15/12 發惡護仔

週一( 15日)葉蘊儀由男友鋪頭落樓,見到記者竟一反親切常態,叫保安攔住記者,更發惡大叫要報警。後來再次落樓,依然好好火。

金鐘黐到實

不過上街都要顧下另一半,本月 9日,葉蘊儀被影到同嫩男避忌睇戲,事後強調只係大學同學,仲話︰「人哋叫我阿媽㗎!我成日都好避忌,因為要保護番啲朋友。我哋唔係拍拖,我好忙,唔得閒,亦都唔急,我仲 young,慢慢嚟」

解畫解到似層層,但「民主女神」都會玩語言偽術。其實早在 10月 4日,以黑帽黑超掩人耳目的葉蘊儀,孖住嫩男黃浩倫( Tiger)到金鐘瞓街,兩人未發現記者前非常溫馨,黐到實玩手指,又一齊睇電話打發時間,但發現鏡頭後即時彈開扮唔熟,非常避忌。

開學校

擁有藝術碩士學位的葉蘊儀,早前開辦黏土藝術學校,獲好姊妹袁潔瑩(右)、張慧儀(左三)及江欣燕(右二)撐場。

《蘋果日報》圖片

Tiger同樣修讀藝術, fb同 ig內有唔少 chok相㗎!

網上圖片

Tiger在柴灣開設小店「上市公司」賣手工藝品,亦有開班教整陶瓷。本刊上週六( 13日)發現鋪頭雖然冇開門營業,但葉蘊儀架車泊喺樓下(右圖),應該又上咗樓同男友閉門玩陶瓷喇!

網上圖片

男友舖頭發爛渣

早前兩人拍拖,去 IFC睇法國片,散場時已經一前一後好避忌。

《蘋果日報》圖片

細葉蘊儀 11年的 Tiger,身形略胖其貌不揚,但同女友政見一致,連興趣嗜好都好接近。 30歲 Tiger同葉蘊儀,九年前一齊讀藝術學院同澳洲墨爾本皇家理工大學合辦的藝術文憑,主修陶瓷科, 11年學士學位畢業,而葉蘊儀其後仲讀埋碩士學位。

葉蘊儀早前在尖沙嘴 K11開辦黏土藝術學校「 Art Around」, Tiger亦有在柴灣工廠大廈開鋪賣手工藝精品,更親自開班教整陶瓷,每堂 2個半鐘收$350。平時鍾意去日本歐洲旅遊的 Tiger性格熱情,據知 8歲已經學陶瓷,後來更得到前輩賞識安排開班教授,不過當時就因為同班女學生玩得太埋,被警告多次,最終更被恩師逐出師門。

本週一,本刊在 Tiger位於柴灣的舖頭發現葉蘊儀,一見鏡頭即轉身叫保安阻攔,之後更激動大叫報警。過了 1小時,葉蘊儀經過打扮後再次落樓,但仍然好好火,「佢係我同學同公司同事,唔該唔好見到一男一女就覺得有問題囉!」肥菜發火,睇嚟真係好緊張呢段關係喎!

大仔唔同 Tiger做朋友

葉蘊儀同前夫生了一對仔女,大仔陳紹臻 18歲,讀緊大學,細仔陳紹衍( Natalie) 14歲,早前同媽咪一齊佔中,關係密切。本刊發現 Natalie的 fb加了 Tiger做朋友,反而囝囝唔肯 add,唔通佢唔鍾意有個嫩虎後父?

葉蘊儀囡囡 Natalie同媽咪一樣撐佔中,亦有 add媽咪男友 Tiger做朋友。

曾讀華仁書院的陳紹臻相當低調, fb頭像連樣都見唔到。



鍾意就快D Share啦!