(綜合報道)(星島日報報道)坦承恨睇足全場鄭秀文（Sammi）演唱會的許志安，前晚終於一圓心願，於紅館坐足全晚大方公開撐另一半。台下得到伴侶安仔支持，台上的Sammi又邀來曾於銀幕上飾演情侶的張學友擔任表演嘉賓，還笑稱為學友獻出了自己的首部三級片！ 文：林子棠
Sammi前晚於紅館舉行第8場演唱會，另一半許志安終於大方現身，與Sammi家姐於觀眾席由頭坐到尾，並狂揮Pong Pong棒及陶醉和唱，睇得相當投入興奮。前晚的圈中捧場客還有周慧敏、鄧萃雯、伍詠薇夫婦與台灣歌手魏如萱等。
獲至愛捧場的Sammi亦狀態大勇，坦言終於鼓起勇氣於前一晚上網睇歌迷留言，結果大獲好評，令她心花怒放。她又笑稱完騷後第一件事要放塊豬肉乾入口，仲想食叉燒飯等，歡迎觀眾送她零食。
Sammi自嘲Open
前晚Sammi請來張學友擔任表演嘉賓，她先跟學友繞手走過台上的「紅地氈」，並笑言要封學友做「樂壇慈父」，因他逢騷必到、有求必應。Sammi亦投桃報李，落力為學友的新碟宣傳以答謝對方做嘉賓。
Sammi在台上透露第一部電影正是獻給學友，兩人於《飛虎精英之人間有情》中扮演情侶，笑稱若有人想翻睇，請留意她當年的兩碌大髀。不過，現場沒有播出Sammi當年的大髀，而是播出她跟學友的咀嘴相，引來全場觀眾嘩聲四起！Sammi自己亦大叫：「嘩！好Open呀！我細個做乜咁Open嘅？拍埋呢啲三級片？（學友：你睇你畀我揸住啲頭髮，幾激！）我就送咗熒幕初吻畀你（學友）好滋味Lum晒咀咁樣！（學友：好正呀！同埋你嗰陣時夠肉呢！）咩意思呀？」學友說得興奮之際還差點踩到Sammi的裙腳，嚇得Sammi又再大叫，令全場爆笑。
學友又爆料
學友續笑謂：「Sammi同我講，（做嘉賓）淨係拖吓、企吓、行返嚟就走得，但我打聽到連古天樂都唱歌，我唔唱咪好奇怪？所以我都要唱呀！」說罷，他就請Sammi回後台換衫，然後再爆料說：「我先旨聲明，我做嘉賓好少唱新歌，但Sammi話真係好想我唱呢首新歌，咁我翻睇歌詞後就知道點解要我唱，呢首歌係講一啲男女經歷咗啲波折，學懂點樣去愛，所以我知道呢首歌點解感動到Sammi!」觀眾立即高呼「安仔」，學友隨即唱出新歌《用餘生去愛》。
■安仔於Sammi第8場騷，終於坐足全晚睇晒成場。
■Sammi與學友於《飛虎精英之人間有情》有激情嘴戲。
■Sammi前晚請來學友做嘉賓，更在台上互相爆料。
■在台下欣賞，Sammi是晚特別心花怒放。
■周慧敏入後台探班，更送上自己的新碟給Sammi。
■Sammi演唱會的靚衫，層出不窮。
娛樂
|
鍾意就快D Share啦！
|
|
|
