掃呢頁CODE去手機

2015年1月15日 星期四

[壹週刊 - 1297] 三個老豆 洪天明陳浩民守行為 黃浩然一個夠晒數 黃浩然,浩然,洪天明,陳浩民,黃浩,M1,




Kayden眼大面尖,同爸爸黃浩然好有父子相。

同你吟一吟

三個老豆 洪天明陳浩民守行為 黃浩然一個夠晒數

家有老婆細路,但洪天明、陳浩民依然俾人發現背妻偷食。要做番好老公呢份工,準時交人、多啲陪老婆,自然唔少得。

早個禮拜《壹》仔撞見陳浩民同老婆,仲有 3歲大女 Cyrus中環遊。囡囡推住架玩具 BB車,响人來人往嘅中環,當然寸步難行。怕囡囡碌到人隻腳,陳浩民叫老婆氹囡囡食包,自己就幫手抬起架玩具 BB車。

做老婆同囡囡嘅御用「阿四」,仲有洪天明。太太周家蔚佗第二胎,响大陸開工嘅洪天明,趁有時間返嚟香港,一家三口去九龍城買膠箱。

幫手搬搬抬抬,洪天明自爆遲吓返大台拍劇,雖然唔使中港兩邊走,但講到賺奶粉錢,始終搵人仔最好。

至於同樣係星級老豆嘅黃浩然,跟形象指導太太 KaKa有兩個囝囝,早排兩公婆帶住大仔 Kayden去超市掃貨。入行咁耐,黃浩然一直零緋聞。囝囝可以生多個,但老婆,黃浩然一個夠晒數。

一家三口出巡,响超市入面有唔少市民同佢哋打招呼。

就嚟 4歲嘅 Kayden相當活躍,要企上超市車上面玩。

周家蔚再佗 B,洪天明笑老婆好在有化妝,否則唔敢上鏡。

難得返香港,洪天明做阿四,幫老婆托膠箱上車。

囝囝 TJ瞓着咗,洪天明笑佢自己拉低頂帽扮 MJ。

陳浩民大女 Cyrus推住 BB玩具車遊中環,四圍人來人往,危險呀!

怕造成意外,於是氹囡囡食包包,自己就趁機會抬走架玩具 BB車。



鍾意就快D Share啦!