男子爆粗聲帶流出 江希文：佢驚我霸身家
【江胡恩怨】江希文與全國政協兼資深大律師胡漢清分手擘面日日開火，日前更流出胡友人與江爸私密WhatsApp對話指江希文重拾生活惡習。本報昨日得到兩條聲帶，第一條聲帶中，一名男子表示：「我有乜X嘢都通晒天啦，我個囡都講，話我隊X，有乜X嘢。」而另一條聲帶，一對男女談及醫院檢查的安排，當中男子連環爆粗鬧女方愛揸主意：「每樣嘢你最鍾意揸旗……你呢啲人係對內唔對外，我點信得過你，靠你過世，X你老味，第一時間告狀，講我壞話鬧你，咁X得閒鬧你……」
■胡漢清與江希文在英國生活時相處和諧，分手後卻展開罵戰。
■江希文與女兒Natalie現「霸佔」胡漢清位於沙宣道的四千呎大宅。
資料圖片
【訂婚鑽戒單據】
■江希文指胡沒誠意結婚，但二人訂婚時，胡買了價值逾六十萬的鑽石戒指給未婚妻。
鬧結婚冇誠意
江希文昨日回覆記者，她說：「呢個人好離譜，我未出聲，佢竟然將自己做啲嘢屈落我度，我真係忍無可忍，我抱BB返娘家，因為有人喺屋企講粗口，同埋做惡習，唔可以忍受BB聞到呢啲味道，我即抱住BB返娘家，我都未出聲話佢，佢竟然屈晒落我度，有冇搞錯。」江直言同胡一起沒有幸福過，更斥對方沒有誠意和她結婚：「每一次提到結婚好大反應，好似驚你會霸佢啲身家。」本報獲得一張胡漢清以六十多萬買下鑽石訂婚戒指給江希文的單據。江希文多次表示委屈，更斥：「呢個人講咁多大話，做咁多壞事，冤枉咗咁多人，因住天收佢，如果想嚟緊呢幾年想過得好啲，唔該叫佢收聲收口。」對於江的指摘，胡漢清友人代胡回覆：「冇帶眼識人，回想同佢關係好似被setup，尤其係結婚開始，佢喺呢段關係誘導胡生講不真實嘅嘢，或激嬲胡生講粗口，同喺胡生不知情下被錄音。」
採訪：皓騫、唐如
■江希文昨日在facebook上載與女兒Natalie的合照，指有可愛囡囡的安慰，是上天的恩賜。
互聯網圖片
|
鍾意就快D Share啦！
|
|
|
