2015年1月14日 星期三

[FACE - 399 - 外地娛樂] 同 SJ成員好巴打 東海笑銀赫:高番少少最好 MF,




由 Super Junior成員李東海主演的《少年輕狂》,已於上週五( 9日)在香港上畫,為谷宣傳東海專程來港 24小時,除出席首映禮,更接受傳媒訪問,忙到冇時間「鳩嗚」。

韓飯台

同 SJ成員好巴打 東海笑銀赫:高番少少最好

韓國天團 Super Junior,唔只個個歌精舞勁,仲好演得。繼最靚仔成員始源密密拍華語片成功打入大中華市場後,始源好兄弟東海亦殺入影壇,處男擔正做新片《少年輕狂》主角。

上週東海專程駕臨香港,親身踩落觀塘 apm同 fans見面,為新片造勢。雖然東海只留港 24小時,但亦抽時間接受《 FACE》專訪。原本嚴禁問及工作以外的私人問題,點知東海一提到 Super Junior班巴打即打開防線,表明同始源及銀赫最好兄弟,還講笑話如果始源矮少少,銀赫高番少少就最好。







《少年輕狂》係東海首次擔正做男一的電影,東海自爆他跟導演金鎮戊好老友,而且金導演太太亦是東海的英文補習老師,所以東海同金導演講過好想拍戲,金導演即寫埋劇本搵東海拍《少年輕狂》。

1.第 1次擔正做男主角,心情如何?

今次第 1次主演一套電影,心情非常開心,我本身一直都很喜歡演戲,好開心今次遇到一個好好的導演,看劇本時已經覺得很有趣,所以便接拍這套戲。

2.拍戲時有乜辛苦經歷?

其實我很喜歡拍攝過程,最記得拍攝時天氣非常寒冷,總共拍了 4天,但我自己很喜歡挑戰一些動作場面,所以一開場導演已安排我拍了打交戲,不過在 4天拍攝期間真的很辛苦,不只連覺也不能睡而且好凍,但回想起來,真的很開心。

上週五( 9日)晚,東海親臨觀塘 apm出席《少年輕狂》首映禮,期間更邀請女 fans上台玩遊戲,但只作近距離互動,並無抱抱行動,不過東海都好識做,最後都走入 fans堆中影合照。

身高 174cm嘅銀赫拍埋 183cm嘅始源,的確係矮咗一截。

3.拍完《少年輕狂》後,想挑戰乜嘢角色?

好多角色想挑戰,近期想拍動作片,其次我想嘗試拍戰爭片,最後希望能拍到一套好多人都覺得好靚的愛情電影。唔知點解我一直都想拍一套着校服的電影,因為人大了之後,樣會變得成熟,希望趁現在個樣仲襯得起套校服之前,把握機會着校服去演戲。

早前東海同厲旭及銀赫現身綜藝節目《 Guest House》時,東海曾好抵死篤爆銀赫身高只有 174cm,搞到銀赫好尷尬。

4.2015年有乜大計?

雖然未落實,但頭半年會跟銀赫做一個 2人組合 D&E project的大碟,到時會集中火力去宣傳及跟 fans見面。去到年中,希望可以拍到電影或電視劇。

5.東海跟銀赫組成 D&E 2人組合,係咪代表同銀赫最合拍?

其實在 Super Junior當中,我跟始源及銀赫最熟,所以大家的相處方式就如兄弟一樣,可惜始源近排經常要拍戲,所以冇時間跟我哋合作。假若始源可以矮少少,銀赫又可以高少少就最好,咁我哋 3個就可以分拆組成 3人組出新碟。



鍾意就快D Share啦!