掃呢頁CODE去手機

2015年2月27日 星期五

[忽然1周 - 1022] 陳嘉桓同 Barbie做 friend 陳嘉桓,夏尉喻,Barbie,MW,




咪睇陳嘉桓只有 22歲,原來佢真係有唔少收藏,仲好愛錫佢哋,好多都未拆盒㗎!

媽咪姐

陳嘉桓同 Barbie做 friend

新年有乜好做?陳嘉桓同媽咪姐講要留喺屋企玩 Barbie,佢真係冇吹水㗎!呢日佢帶咗唔少珍藏出嚟,話要介紹班姊妹俾媽咪姐識喎!佢話:「我細細個已經鍾意 Barbie,有成 4、 50個。嗰時唔識珍惜,即刻開晒啲盒,除佢哋啲衫,再搵布碎貼上去當俾新衫佢哋着。又試過幫佢哋剪頭髮,同帶出街野餐,去旅行都會帶住,換造型影靚相。」

見到陳嘉桓講起佢呢班「美女」 friend,個表情好興奮又滔滔不絕,真係打從心底咁喜愛。最難得嘅係,練得一身好功夫嘅佢,代入埋童話世界,成日影相都會帶埋佢班姊妹,呢樣先夠投入吖嘛!

陳嘉桓話細個儲埋唔少 Barbie,但因為搬屋,好多都唔見咗。睇佢去展覽見到班姊妹個樣,幾興奮。

陳嘉桓話自己入行做 model,都係想好似 Barbie咁多靚衫着。佢又真係恨到喎,條裙仲好似樣㖭!

乜嘢叫「中毒」,有陳嘉桓親身示範。喺外國郵購 Barbie返嚟,真係收藏家嚟㗎。

陳嘉桓去到邊都要帶埋個姊妹,但係佢又學唔晒,去泳池嗰陣, Barbie着 bikini,佢就包到上心口,嘥咗喎!

鍾意就快D Share啦!