掃呢頁CODE去手機

2015年2月8日 星期日

廣東省政協周星馳晨早現身 女委員尖叫 周星馳,




【短片】【「憔」爆開會】廣東省政協周星馳晨早現身 女委員尖叫

2015-02-08 00:34:00



其他影片:>>






【「憔」爆開會】廣東省政協周星馳 參加政協會議 惹女委員尖叫

大忙人曾志偉除咗係藝人身份外,仲孭住江門市政協委員兼常委,以及廣州政協委員身份,不過志偉就被官媒點名批評,指佢身為江門政協常委,但四年來都冇去過開會,而志偉事後受訪時表示,已辭去江門政協職位。(新聞連結: http://goo.gl/6TQGbn )

同樣係大忙人嘅周星馳,亦係廣東省政協委員身份,星爺雖然工作忙爆,但佢今晨八點半,與其他政協委員現身喺東方賓館舉行嘅廣東省政協會議現場,星爺一頭灰白髮現身,個樣睇落幾憔悴,不過星爺冇遲到,仲準時到場開會,星爺現身即惹起哄動,遭大批傳媒圍堵,令星爺舉步維艱。

星爺受訪時表示,自己只關心環保問題,又話假如有機會,佢都會提出一啲意見。

其間有其他委員不斷遞證件畀星爺簽名,令現場變咗個小型簽名咁,亦有人想自拍合影,但又好似唔敢出手,另外,現場有女委員甫見星爺現身,亦禁不住高興狂叫,足見星爺魅力沒法擋﹗ 

不過現場情況確實有啲亂,會場保安不得不強制清場,星爺旁邊本來坐住另一位來自香港嘅明星委員,但後來該明星被請走,安排保安坐喺嗰度。



周星馳現身廣東省政協會議現場,惹起哄動。



(圖片:南方網)



鍾意就快D Share啦!