掃呢頁CODE去手機

2015年2月15日 星期日

藍男結婚:擦情人節大餐 甜到漏! 藍男,王祖藍,李亞男,




雖然攰足成日,但喺情人節呢個咁浪漫嘅日子,藍男點都決定出去歎吓燭光晚餐,而且仲要一食食足三粒鐘。

next 1/1 pre

老夫老妻最typical嘅場面出現喇,就係各有各撳電話。

next 1/1 pre

而成日都咁忙嘅祖藍,除咗忙住同老婆齊齊低頭回顧新聞外,仲要狂send voice message,真係忙到無人有。

next 1/1 pre

素顏嘅亞男,雖然少咗份艷光,但勝在個樣夠純夠pure,而且佢雖然要忙住睇新聞,但都不忘同祖藍係咁傾係咁傾,證明佢哋感情真係好好。

next 1/1 pre

亞男講講吓,連嘴都木埋,證明佢喺老公面前,絕對可以百分百做自己。

next 1/1 pre

講得係燭光晚餐,當然要舉杯暢飲不過要揸車嘅祖藍就半滴都無飲,真係好乖乖。

next 1/1 pre

間餐廳真係好有節日氣氛。

next 1/1 pre

祖藍埋完單後,拖實老婆仔離開餐廳。

next 1/1 pre

雖然攰到連造人都無力,但藍男都肯應記者要求企定定影相,真係好nice。

next 1/1 pre

呢張相嘅亮點,係李亞男甜到漏嘅笑容。

next 1/1 pre

祖藍夜晚喺社交網,大讚媽咪靚女。

next 1/1 pre

睇番張相,佢哋真係餅印一樣。

next 1/1 pre

為婚禮奔波了一整天的王祖藍與李亞男,晚上現身尖沙咀天文台道撐枱腳食情人節大餐。

雖然在婚禮打扮到鬼火咁靚,但一返完屋企,亞男即時嚟個三百六十度大變身,以素顏look同戴住帽嘅祖藍低調現身餐廳。

現場所見,亞男點了餐酒配搭一枱美食,不過由於祖藍要揸車,故全程只輕嘗淺酌,相當乖仔。

而二人用餐時,雖然雞啄唔斷,但期間卻不斷低頭玩電話,應是回顧二人婚禮的新聞,看到有趣的地方,更會無故傻笑兼對望,表現sweet爆。

雖然呢對新人已經玩足一日,照理由應該好攰,不過可能愛嘅力量真係好大,藍男竟然撐足成三個鐘枱腳先至捨得走,之後祖藍就拖住笑容停不了嘅老婆仔李亞男離開餐廳。

記者上前問二人是否飲了很多時,李亞男直言:「係呀!」祖藍則表示:「唔可以飲得多,因為要揸車。」再問二人回家後會否開始造人大計,祖藍則說:「唔會喇,好攰!我要返屋企瞓覺,聽晚會喺主題公園過夜。」之後心情大靚的祖藍更反問記者:「你哋無拖拍咩?」之後便駕車直駛大埔寓所。

鍾意就快D Share啦!