許志安俾女圍硬咗 [忽然1周 - 1023] 許志安,安仔,MW,

安仔話嚟緊喺演唱會晒身材，依家每日食粉絲、烚菜同烚雞肉 keep fit。講到條褲，佢仲抽一抽褲頭，睇嚟有啲嘢喎！

媽咪姐

許志安俾女圍硬咗

嚟緊 5月開演唱會嘅許志安，前幾日就搞咗個記招宣傳吓。媽咪姐由細（嘻嘻，年年廿二呀！）就好鍾意許生，當然要去支持吓

咁呢，呢日大會都算明益佢喇！安排咗兩位晒身材（其實一般）嘅囡囡上台，左右門神咁傍住佢。之但係已為人夫嘅許生，見到啲咁嘅嘢真係硬咗，講緊佢成個人呀！連司儀雲妮都忍唔住笑佢：「係有啲尷尬嘅，左右都唔敢望，兩隻手又唔知點做好。」俾人講出心嗰句，佢只有尷尬笑，同好細聲話：「我向前望。」

不過咁，許生承諾喺個騷會出四角菱形底橫，仲話明唔要「平腳褲」，呢個畫面，媽咪姐好期待。偶像∼記得到時找數呀！

褲頭鬆晒

原來大會搵咗兩位性感囡囡嚟做門神，睇吓安仔個樣好尷尬。避忌啲都好嘅，一陣好似吳浩康咁 goodbye kiss就瀨嘢

Paco支持咗安仔十幾年，今次又再合作搞演唱會，希望好似當年咁，場場爆滿，飲得杯落。

睇 Sammi隻腳真係好嚴重吓，嚟緊都係留喺屋企陪安仔練歌，唱吓佢最愛嘅〈半天假〉算

Sammi喺演唱會前搞到筋膜炎，到依家仲未好番。難怪安仔話要去跑步，都要等老婆好番先。

鍾意就快D Share啦！

下一篇 》