掃呢頁CODE去手機

2015年3月6日 星期五

幼稚園名校 18揀 1 洪天明蔡少芬爭崩頭 [忽然1周 - 1023] 洪天明,蔡少芬,MW,




2月 24日下午 1點,洪天明同老婆周家蔚,由馬油塘村寓所到大圍飲茶。落車時,天明小心翼翼扶住有咗 7個月嘅老婆。

滾熱辣

幼稚園名校 18揀 1 洪天明蔡少芬爭崩頭

上月初,城中名牌幼稚園「 St. Catherine’ s國際英文幼稚園」面試,唔少星級家長都帶埋仔女來面試。

九千人爭五百個學位,真係爭崩頭。今屆的星級家長有洪天明同蔡少芬。 2月 6日,洪天明幫個仔洪大仁( TJ)着晒踢死兔去面試,媽咪周家蔚更指為囝囝面試緊張到瞓唔着:「仲驚過選港姐。」不過,大女楚兒已經是 St. Catherine’ s學生的蔡少芬,對細女信兒入讀信心十足,胸有成竹話:「我只係報咗呢間!」擺明志在必得。

我一啲都唔緊張,因為信兒一定掂!(設計對白)

2月初,周家蔚同蔡少芬心儀的「 St. Catherine’ s」幼稚園進行第一輪面試。 6日早上,洪天明、周家蔚帶埋囝囝 TJ一齊到達紅磡校舍,當日 TJ原本跟佗住 7個月巨肚的媽咪排隊,點知他突然扭計,老竇洪天明見狀怕囝囝整親媽咪個肚,即着周家蔚返上車休息,自己帶囝囝入場。

洪天明:好似見工咁

對今次面試,洪天明亦感壓力,他透露當日見到其他家長都好緊張:「我入到去見啲家長好似見工咁樣,我真係好無奈。見到啲 BB一路喊,喊到要抱走,都戥佢哋可憐。」

問到 TJ面試表現理唔理想?洪天明無奈話:「順其自然嗰日個仔情緒有啲問題,唔係最佳狀態。小朋友係咁,唔可以每日(狀態)都一樣,可能嗰日佢好唔開心。如果真係唔得咪睇吓第二間學校囉!我又唔係好擔心呢啲嘢嘅。」

洪天明抱住唔得就第二間的心態,不過太太周家蔚則十分鍾情 St. Catherine’ s,她說:「好多朋友都講呢間學校好好,先生又好好,應該 ok嘅!」

不過無論如何,為了囝囝入學問題,兩夫妻可謂一條心。雖然女人緣極旺的洪天明,去年在武當山拍新劇《潮拜武當》時,與同劇 34C魔鬼胸蔚雨芯玩到癲,互除對方條褲,之後又傳出他與內地女星趙茜撻着,令周家蔚嬲爆,在 Instagram post趙茜的相片,並留言:「只有 22歲的小姑娘!真的太年輕了。」

近日修心養性在家湊仔的洪天明,為了囝囝面試亦做了很多工夫。「天明知老婆好緊張個仔將來嘅學業。面試前曾經搵朋友取經,又喺屋企同個仔模擬面試,教 TJ答問題。佢同班 friend講,仲辛苦過自己讀書!」為了冧老婆,洪天明在農曆新年一家人同埋洪金寶去越南旅行。今次洪大仁面試,廿四孝老竇的洪天明,更為囝囝置新裝。

6/2踢死兔面試

天明帶囝囝面試當日,特登同佢着咗套踢死兔,成個小紳士咁。而天明反而一身 Bathing Ape迷彩 look,相映成趣。

緋聞王變湊仔公

周家蔚預產期是四月。腹大便便的她發福不少,憑第二胎收服愛蒲老公。

去年洪天明與蔚雨芯玩得好埋,激嬲周家蔚。男方依家修心養性,家中大小事務及照顧囝囝,他都一手包辦。

蔡少芬胸有成竹

TJ面試前一日,蔡少芬與張晉搶先一步帶細女信兒來面試。大女楚兒是該校學生,蔡少芬已有面試經驗,據知信兒已成功入選 second in(第二輪面試),看來入讀成數甚高。

本周一( 2日),蔡少芬同張晉拍拖到又一城睇戲。問他們信兒面試一事,蔡少芬直認對女兒充滿信心:「我今年冇報其他(學校),我梗係鍾意呢間學校」

為了贏在起跑線,他們亦安排信兒在 1歲時返 playgroup,張晉話:「佢之前返 playgroup返咗幾個月,興趣班都有報。(會唔會安排女兒返兩間幼稚園?)吓!返兩間幼稚園咁勁……」身旁的 Ada即說:「我哋唔鍾意黐埋一齊,唔會讀得咁長時間,因為小學都一定有全日制。」

蔡少芬大女是原校生已佔了天時地利,加上她與學校的老師很熟稔,人和都有埋,難怪她唔使搵定後路啦。

上次為了大女楚兒面試,蔡少芬表示經常失眠,今次細女信兒面試反而定過抬油。

蔡少芬經常親自帶女返學,並教她如何面對記者鏡頭。《蘋果日報》圖片

蔡少芬與張晉都好鍾意 St. Catherine’ s,冇考慮其他幼稚園。

明星幼稚園

St. Catherine’ s國際英文幼稚園為本港首屈一指的名校,校風十分嚴謹,以教英文及普通話聞名,外籍老師為主要教師,被喻為通往海外名校的踏腳石。雖然每年學費超過五萬,不過依然吸引名人明星垂青。首年由 9千個面試學生中篩選 500名入學,普通家長連申請表都未必攞得到。

星媽唔易做

為求考入 St. Catherine’ s,一眾星媽要在事前為子女作各種訓練,有些更表現得精神緊張。

陳慧琳 親教功課

為求日後可以讓蝦餃仔去海外升讀名牌大學, Kelly一早安排蝦餃仔入讀 St. Catherine’ s,更親自教囝囝功課。

楊思琦 狂接工作

離開大台之後,楊思琦為了愛女卓穎將來可以行一條舒服的路,頻頻返大陸登台賺錢,讓她入讀名幼稚園,贏在起跑線。

蔡少芬 連夜失眠

為了囡囡張楚兒同蝦餃仔做同學,蔡少芬一早安排楚兒上 playgroup和找外籍英文老師補習,更緊張到連夜失眠。

鍾意就快D Share啦!