【短片】囡囡有冇問爸爸是誰？ 吳綺莉指卓林智商正常：我冇瞞佢任何嘢
2015-03-16 23:30:00
吳綺莉日前驚爆涉虐兒被捕，全城哄動。而吳綺莉近日接受有線娛樂新聞台專訪，與主持張學潤（Nelson）深情剖白。吳綺莉於1999年未婚懷孕，為成龍誕下女兒吳卓林，成龍雖默認此事，但就同兩母女劃清界線，自此吳綺莉肩負單親媽咪責任，獨力湊大女兒，亦令兩母女飽受輿論壓力。
Nelson問到卓林已經咁大個，細個時有冇同佢講佢爸爸係邊個？吳綺莉謂：「唔需要我講，因為佢智商正常。（由你口中講過？）由細到大冇瞞佢任何嘢，我覺得屋企人係要溝通，我忽略咗佢…我忽略咗佢開唔開心咪冇嘢，聽日就冇事，我冇諗過佢咁上心。」
不少小朋友都有爸爸接放學，卓林有冇問過點解冇爸爸接放學呢？吳綺莉話：「我曾經講過，一開始冇，唔會突然間會有，好似你住慣二千呎屋變二百呎屋，你會好辛苦，本來由二百呎屋搬二千呎屋，你明唔明個分別？成件事個女係擔心我。」
Nelson又問到當初點解決定要有呢個小朋友？有冇諗過後果？有冇諗過之後生活﹑工作，因為人生已經唔同咗？吳綺莉表示：「以前細個我唔會講呢番說話，人大咗開始覺得好多嘢唔係你控制，點解我識得你Nelson？點解幫緊呢個電視台做嘢？好多嘢冇得解。（當時決定就係咁？）係囉，其實呢兩日我都不停問點解，我今日會咁樣？點解會咁？我熟悉的傳媒朋友，問我你又有新聞，我話係呀，你問我點解，我答你唔到，因為唔係我報警，我希望拍緊外景，唔係做緊訪問。」
(有線娛樂新聞台截圖)
今日有線娛樂新聞台繼續播出吳綺莉專訪。 (有線娛樂新聞台截圖)
(有線娛樂新聞台截圖)
|
鍾意就快D Share啦！
|
|
|
