2015年3月22日 星期日

DaDa低胸4吋事業線太勁 唐禹哲唔敢望 DaDa,唐禹哲,BKD_S,陳靜,



【考定力】DaDa低胸4吋事業線太勁 唐禹哲唔敢望

2015-03-22 17:01:00



(攝影:陳俊強)

台灣男星唐禹哲、陳靜(DaDa)今日喺尖沙嘴The ONE出席「樂遊熊本縣」揭幕禮,身著低胸裙嘅DaDa,露出四吋事業線,搞到梳咗個「都敏俊」頭嘅唐禹哲全程都目不斜視,不過佢大讚DaDa好靚女,係好會演戲嘅女星。

之後佢哋製作水果杯,又互餵水果,接著擺出唐禹哲從後攬住DaDa嘅pose,DaDa仲擺咗個sexy pose,唐禹哲話:「太性感,不好意思看。」

原來今日係DaDa廿六歲生日,佢自嘲係輕熟女,由於今晚出發意大利拍新戲,所以噚晚同朋友已經慶祝咗,但佢強調唔係男朋友,佢話:「之前影到嗰啲係我嘅親戚或者係朋友,我都想下年同男朋友一齊過。」講到唐禹哲,DaDa表示以前有睇過對方嘅偶像劇,今次第一次見,已經覺得佢好好人。係唔係佢鍾意嘅類型﹖DaDa話:「佢太多人鍾意,我唔想同幕前。」提到活動場地樓上有人「高抄」,擔唔擔淨係影胸﹖DaDa話:「我做足防走光措施,所以唔怕,都控制唔到。」

已有兩年幾冇嚟香港嘅唐禹哲,一直忙緊拍戲,問到錢包腫脹,佢笑住話:「所有收入都交給媽媽,每個月媽媽會給我零用錢。」由於唐媽媽管財有道,唐禹哲喺台北同海外都有物業,不過佢話香港樓價太貴,如果平啲都會考慮。對於DaDa咁性感,唐禹哲笑言唔敢望。問佢鍾唔鍾意豐嘅女仔﹖佢話:「豐不豐滿都行,我沒有要求身材怎麼樣,我已好一陣子沒有女朋友,這兩年已看開,急不一定找到好對象。」鍾意咩類型﹖佢話:「開朗、愛笑,因為我個人比較悶一點,想她能影響我的情緒。」



WOW!



唐禹哲見到DaDa一直都唔敢望...



不解釋



不解釋



都係唔望



咁都唔望!



反而攬粉絲就自然啲...



鍾意就快D Share啦!