全城熱爆的娛樂八封新聞 & 時事趣聞 & 生活 + 趣聞
點知動作大得滯，連枱上面個煲都打跌埋！識睇，梗係睇梁漢文同何超儀嘅表情啦。
林敏驄成日玩人，得得戚戚咁。呵呵，但佢都有𤓓嘅時候囉！佢拍新片《全力扣殺》嗰陣，有次講對白超大動作，一失手，仲打跌埋個湯煲，嘩！嚇死晒同場嘅伊健同何超儀。林敏驄自己都呆咗，完全唔識俾反應。之後就……梗係俾成班演員狂笑狂寸
不過，嚇完之後，林敏驄仲繼續講衰嘢喎，佢喺片中教梁漢文練眼界嗰時，就爆肚話：「望住天棚個阿婆，佢每逢初一、十五就會曬鮑魚，你同我𥄫實，隻鮑魚有無黑到……」佢都未講完，梁漢文已經忍唔住笑出嚟！笑啲乜？唔方便講喎，自己意會啦。
林敏驄扮飲醉酒嘅羽毛球大師，初頭好型咁講緊大道理。
做咩啫！笑人嘅。（設計對白）
40歲嘅何超儀，戲中非常烏歪，仲特登化個成面癦屎妝，罕呀！
《全力扣殺》喺 5月 7日先正式上映，但林敏驄呢次真戮力！啱啱將《全》片主題曲 jam落《復仇者聯盟》做 MV；又扮超人打導演郭子健，拍埋片掟上網，正！
