全城熱爆的娛樂八封新聞 & 時事趣聞 & 生活 + 趣聞
李璨琛睇嚟都係王林記熟客，坐低就識嗌切腩撈粗，知道係呢度嘅「名菜」喎！
好多人去開筲箕灣，總要走轉東大街食安利魚蛋粉，貪佢出名同多星幫襯。媽咪姐以前喺嗰頭打躉，反而會去發哥都幫襯、隔兩個舖位嘅王林記，佢啲魚蛋真係彈牙好多㗎！
呢日李璨琛同老婆都去咗王林記食麵。睇佢都幾知碇，入到去坐低，就嗌咗呢間嘅招牌菜，魚蛋粉同切腩撈粗，識食呀！仲喺下午茶時間先幫襯，埋單唔使一嚿水。同老婆醫飽肚，李璨琛仲同老闆吹咗陣水。睇唔出佢又幾似老人家，鍾意搵人傾偈喎！
發哥去王林記食碗粉，即刻俾人捉住集郵，掟晒上網威威。
李璨琛同老闆打完牙骹先走人，佢老婆就數吓找咗嘅錢，真係數口精呀！
