掃呢頁CODE去手機

2015年4月23日 星期四

王敏奕靠嗲助曾國祥減煙量 [壹週刊 - 1311] 王敏奕,曾國祥,M1,



挨實

其實,冇一個男人,會唔鍾意女友挨身挨勢。

同你吟一吟

王敏奕靠嗲助曾國祥減煙量

無論做人女朋友抑或老婆,要鎖得住男人個心,入得廚房係唔夠,嗲功亦要有番咁上下,睇睇王敏奕以下示範。

早前王敏奕同男友曾國祥拍拖去灣仔星街食 lunch,之後再喺附近間 coffee shop坐低叫件 cake兩份食。

同老豆曾志偉一樣,曾國祥從來唔愁冇女,但自從同咗王敏奕一齊就成個定性咗,同女友嗲功一流好有關係。好似當日等 cake期間,王敏奕挨實男友手臂一齊睇手機,之後曾國祥食蛋糕,佢又伸隻手出嚟幫對方兜住啲蛋糕碎,差在未餵埋食。

食件 cake都坐咗成粒鐘,之後行去攞車,曾國祥煙癮發作,王敏奕雖然唔介意陪食二手煙,但就不停嗲要男友快啲上車。

即係咁,就算王敏奕嘅嗲功,未足以嗲到曾國祥戒煙,但起碼,可以食少兩啖咁多。

電你

就算隔住副超,王敏奕都有本事電暈曾國祥。

兜住

幫男友兜住蛋糕碎,曾國祥簡直係皇帝式享受。

曾國祥飯後一支煙,王敏奕陪食二手煙。

但只係扯咗幾啖,王敏奕就嚟料,又嗲又拖,成功逼男友掉煙上車。

鍾意就快D Share啦!