周三（8日），Yumiko喺港安醫院開刀誕下5.5磅女兒，豈料當日晚上B女就要轉送東區醫院，並入咗ICU，情況令人擔心。即使開刀傷口未癒，不過Yumiko堅持探女，愛女深切。
其實B女出世嗰陣，已經發現有氣促情況，並即時安排入氧氣箱，但情況未見好轉，立即轉介到東區醫院。現時B女情況已經穩定，但接受治療期間要遭打針、插喉同吊鹽水，令Yumiko心痛失眠。
不過入行以來經歴過唔少風雨嘅Yumiko，性格樂觀硬淨，原定今日下午出院並接受訪問嘅佢，原來已經提早出院，無非都係想爭取多啲時間探望女兒。
佢經理人Mani話：「佢第一次做媽媽，好堅強，大家唔好太擔心。」希望Yumiko愛女早日出院。
