搞鬼嘅林敏驄，配sexy到暈嘅徐子珊，火花就冇乜啦，但女方就被人狂(目及)胸，兼當眾調戲呀！
近日有傳樂易玲以年薪120萬，兼度身訂做劇集角色，想留住子珊喺大台，不過子珊仍然十五十六。未諗定就慢慢諗啦，但係吸金就要快手喇。
日前佢就接拍新一輯纖體廣告，林敏驄就做導演。出名口花花鍾意撩女仔嘅佢，喺拍攝期間見到徐子珊低胸上陣，就即刻指住子珊乳溝，問做咩污糟咗，子珊就嬌嗲回應話呢個係粒痣嚟。點知林敏驄仲唔停口，仲叫子珊脫咗佢。
子珊遭「調戲」後都大方表示唔介意，話之前同林敏驄合作拍過賀歲片，都知佢口花花，只係忍笑辛苦啫。
