向來以食腦出名嘅藝人黃子華，不嬲講嘢都字字珠璣，曾喺多個棟篤笑中講過唔少經典。近日佢為電訊商拍咗一段廣告，道出現今市民活喺世紀網路時代嘅心聲。廣告推出，網民對子華嘅旁白好評如潮，大讚精警！
今次子華又袋錢落大家袋，廣告入面佢醒咗大家一句：「原來唔夠快，世界係會唔同曬。」無錯！喺呢個瞬息萬變嘅世界，只要你行得慢啲、個腦轉得唔夠快、唔主動去學習新知識，咁好快，你就會發現自己已經追唔上時代嘅步伐，發現世界唔同曬嘅同時，亦都黯然發現自己已經被淘汰，所以子華另一句「速度，從來都係致勝之道」，亦備受網民追捧。
呢個廣告引起網上面咁大迴響，網民自然歸功男神黃子華嘅魅力子華雖然唔係好靚仔，但憑住出眾才華同口才，成為眾人追捧偶像。不過今次子華仲要加多兩錢肉緊，唔單止玩詼諧，仲要玩埋型英Chok，一開始就好瀟灑咁飲住咖啡出場，十足十「品味咖啡」入面嘅陳豪咁，想唔俘虜網民心，都好難
網民有話兒
大嘴（xx）：男神係型既，廣告賣咩唔重要。
MyNamexxxeh：如果佢最尾個鏡頭唔笑仲有型
Lam xxxdy：百看不厭 @@
archxxx1018：型得濟（滯）....
有網民話黃子華型得滯，又係嘅，你睇佢飲嘢個樣都咁CHOK！
唔知你哋又覺得黃子華飲咖啡個樣，同陳豪飲咖啡個Chok樣，有無得比呢？
呢次黃子華真係幾時都咁CHOK呀！
有網民話如果黃子華最尾個鏡頭唔笑仲有型。
|
鍾意就快D Share啦！
|
|
|
