青雲「凍薪」影帝 仲要捱打
好戲之人劉青雲繼2007年後再奪金像影帝！出爐影帝青雲賽後孖老婆郭藹明連走兩場慶功，自爆因工作早已落實，故奪獎後不但冇加片酬，更將被「打」一身！至於連奪新演員及女配角獎的王菀之於慶功前先向男友報喜！
青雲再贏得金像影帝，郭藹明三度吻賀老公！
曾江（右）勇奪男配角後High足成晚，與青雲齊齊祝酒報捷。
出爐影后趙薇感謝觀眾支持。
繼2007年初嘗「金像影帝」滋味後，現年51歲的劉青雲前晚再憑電影《竊聽風雲3》於《金像獎》頒獎典禮再贏「最佳男主角」殊榮，賽後與太太郭藹明連走兩場慶功宴，席上三度獲太太送吻祝賀。提到於台上冧爆向太太說「每次當我揸太空船唔知去到邊，你總有辦法令我安全返到地球」，令女觀眾大為讚嘆，青雲說：「呢番說話我唔準備去解釋，聽到點就點入面多謝邊個就邊個，係需要咁樣互相鼓勵。」問到太太每次陪他出席頒獎禮時總愛穿綠色裙，是否旺夫顏色？青雲笑說：「呢啲係女仔先留意到！」又透露近日與謝霆鋒合作新戲，故未必再慶祝。
墊Pad扮胸肌
再度榮登影帝寶座的青雲，自爆因工作一早落實，故贏獎後冇加片酬，更要被「打」一身！相隔20年再拍動作片的他，下月將到杭州開拍陳木勝執導電影，青雲說：「我從來都唔係拍打戲，今次仲要打得幾甘，真係要訓練吓！到時要對住彭于晏同吳京，佢哋知我唔打得都會就我，咁我又唔需要練到朱古力身形，因為到時會墊Pad！」特別的是，吳鎮宇於微博爆兒子貼中青雲贏影帝，因他貌似美國總統奧巴馬！
曾江不言休
至於「最佳男配角」則由老戲骨曾江奪得，他出席慶功宴時仍心情激動，對演戲近六十年仍有人賞識，深懷感恩，更揚言不言休：「劇組好照顧我嘅，拍8個鐘就收得工，寧願拍多日，咁我點解要退休呢？」
競爭激烈的影后寶座最後由內地女星趙薇憑電影《親愛的》奪得，賽後即會合君如及導演陳可辛慶功，昨日還在微博再度發表獲獎感受，更點名多謝陳導。而同片的內地男星黃渤雖然失落影帝寶座，但仍在微博祝賀趙薇。另外，無綫前晚直播頒獎禮，平均收視23點，最高收視為26點，平均收視比上星期同時段升4點，但跟去年直播相比則下跌2點。
青雲再贏得金像影帝，郭藹明三度吻賀老公！
曾江（右）勇奪男配角後High足成晚，與青雲齊齊祝酒報捷。
出爐影后趙薇感謝觀眾支持。
|
鍾意就快D Share啦！
|
|
|
