| 莊思敏（左圖）對於「丁蟹」回歸，以樂觀態度面對，而且仲會趁低吸納。 | next 1/1 pre |
 | |
| 秋官笑言股市跌唔關佢事，太太官晶華則說：「自己都係平民百姓，投資股票都係好少錢。」 | next 1/1 pre |
 | |
| 無綫重播《大時代》，亞視亦重播《世紀之戰》（右下圖），秋官笑言是「雙丁劫股票」。 | next 1/1 pre |
 | |
| 莊思敏相信恒指會過三萬點。 | next 1/1 pre |
 | |
| 趙哲妤話要多謝秋官畀機會佢趁低吸納。 | next 1/1 pre |
 | |
| 劉松仁望市民入市要小心。 | next 1/1 pre |
由鄭少秋（秋官）主演的《大時代》將於今天深夜重播，自上周公布相關消息後，即令股民心驚驚，因擔心出現「丁蟹效應」，適逢歐美股市於上周五急跌，道指曾跌逾200點，恒指夜期更急插近700點，令外界預測港股今日開市將「凶多吉少」。
不過，人民銀行昨日宣布由今日起，下調人民幣存款準備金率1個百分點，將有利今天的中港股市走勢，令股市更添變數。股市今早即將揭盅，一眾星級股民昨日已做足心理準備，應對變幻莫測的股市發展。
莊思敏信恒指破三萬點
本身持有七至八隻股票的莊思敏，雖然害怕「丁蟹效應」，但她揚言今次股市不一定會跌，反而會徘徊。樂觀的她更相信恒指長遠可過三萬點，故即使今日開市後跌市，亦不會將手頭上的股票沽出，反而會趁低吸納：「我想趁低吸納一啲穩陣嘅銀行股，例如渣打（2888）同工商銀行（1398），至於我之前兩個幾買嘅阿里影業（1060），暫時都唔會放，除非升到過五蚊。」
趙哲妤睇清楚個市
向來有投資股票的「中國小姐」趙哲妤，坦言同樣怕「丁蟹效應」影響，她說：「我星期一會沽貨，咁多人低價放，個巿會跌，然後我就會趁低吸納，其實個市啱啱急升，回吐一下都好正常，多謝秋官畀機會我入貨。」對於恒指夜期大跌，她亦略有心得：「睇吓佢跌幾多點，如果持續跌勢，就直接分階段入貨。」
松哥勸見好就收
在《大》劇飾演「丁蟹」的秋官回應股市勢危，笑言要回家發功：「個勢就唔會跌嘅！我再睇清楚個勢先！（星期一會沽？）要問老婆先知！佢都知《大時代》會重播，但佢信（丁蟹效應）就傻！」除了無綫重播《大》劇外，亞視亦重播《世紀之戰》，秋官對此笑言「唔好賴我」：「古今股票事，全付笑談中！不過依家係『雙丁劫股票』！」而秋官老婆官晶華接受電話訪問時，亦表示不會太在意「丁蟹效應」：「唔會賣自己都係平民百姓，投資股票都係好少錢。」而在《大》劇飾演股票經紀「方進新」的劉松仁，則奉勸股民見好就收，別讓勝利沖昏頭腦。
|
鍾意就快D Share啦！
|
|
|
