掃呢頁CODE去手機

2015年4月8日 星期三

點樣對付毒舌婦先最有效? [FACE - 411] MF,



XYZ#@!!

全知言

點樣對付毒舌婦先最有效?

做同事唔等如係朋友,唔 like你除咗 in your face單打你,亦可以喺 facebook留言唱衰你。大台新聞小花林小珍同前主播周嘉儀就親自示範咗!娛樂圈梗係是非地,毒舌女人更加多的是,對住啲是非八婆,莊思敏話直頭鬧番佢,《導火新聞線》皇阿媽梁小冰就話會捉住佢對質,而女神心悠 BB就會扮慘問點解,總之要揭穿佢哋真面目

莊思敏 爆粗問候

鬧番佢囉!因為如果佢咁樣對自己的話,嗰啖氣都唔需要忍啦,有兩種做法嘅,一種係當面鬧,一係就唱衰佢。我就會揀當面鬧,因為有咩誤會可以一次過講晒出嚟,一次過對住當事人發洩咗會好啲,太間接又驚佢睇唔到。如果到時要加強語氣,粗言穢語都可能用一兩隻字。

估唔到周嘉儀同林小珍做咗咁耐同事,原來咁大仇口,一個就鍾意單單打打,一個就鍾意喺 fb暗寸,真係典型八婆鬧交。

電視畫面

網上圖片

周家怡 當佢透明

我就好好彩冇遇過是非精,但我覺得如果遇到是非精呢,應該做嘅嘢就係唔好理佢,因為佢哋最鍾意睇到你反應,如果你冇反應,佢哋就會覺得冇癮,冇癮就唔會再講㗎喇。

劉心悠 點解要 hort我呀!

其實我冇咩招可對付,千祈唔好似我咁,如果我 find out咗講我是非嗰個人,我會問佢:「點解要 hurt我呀?」、「我真係好 hurt!」就係咁咋!我冇其他辦法。我會集中問點解,而唔會針對講我是非那個人。

梁小冰 當面質問



其實我好少遇到呢啲情況,我同啲女拍檔都相處得好好,萬一遇到呢啲事,我會捉住佢問下佢咩事囉。我唔會縮埋,我唔會唔埋,我係性格比較剛烈啲,同埋直接啲,會問清楚佢發生咩事,係咪唔鍾意我啦,有咩令佢唔開心呀?我會想同佢化解啲誤會。我唔會喺 facebook講,我唔會做小動作,因為我係剛烈女人,有咩就大情大性講。

街坊趕是非精:毒舌番佢囉!

遇到是非精、毒舌婦,女星大多數捉住造謠者對質,不過一眾市民都係沉默的大多數,除咗同朋友呻下,其他都唔會出聲,但亦有人話會同是非精鬥毒喎。

琪琪  2x歲

有遇過是非精,但我唔會對付佢,因為我個人比較善良!唔好同佢做朋友囉,疏遠佢囉,其他人會用 facebook暗示,但我唔會咁做。

Johnathan  18歲

唔會理佢囉,都係同朋友呻吓,亦唔會喺 facebook做任何動作,我覺得唔理佢一陣就唔講㗎啦。

陳生  25歲

佢毒舌我,咪毒舌番佢囉!我唔會喺 facebook話佢,佢明毒、我咪暗毒囉, facebook太多人喇。如果唔諗住做朋友或者份工,咪明刀明槍鬧佢囉。

鍾意就快D Share啦!