手快有 陳山聰又南爭食處女肉 鄭嘉穎獨贏陳凱琳 [FACE - 411] 凱琳,陳山聰,山聰,又南,鄭嘉穎,嘉穎,陳凱琳,MF,

據知鬼妹仔性格嘅陳凱琳，私底下都享受被仔圍嘅感覺，不過最終都係情歸 44歲嘅鄭嘉穎，品味都算特別！

真面目

手快有　陳山聰又南爭食處女肉　鄭嘉穎獨贏陳凱琳

近十年至索港姐陳凱琳（ Grace），樣靚兼家底豐厚，身邊冇兵仔服侍先係奇聞！

所謂好嘢多人爭！大台新劇《殭》已有老中青三男陳山聰、黃又南同鄭嘉穎同時間𥄫中陳凱琳，不過「薑」始終都係老嘅辣，大師兄上身嘅鄭嘉穎扮專業加埋貼身教戲冧招攻勢，最終成功得米！大陳凱琳 21年？ No problem！

至索港姐冠軍陳凱琳唔只個樣省鏡，連電力都有番咁上下！合作過嘅男藝人好多都避唔過佢隻電眼，早前連人夫張繼聰都同佢傳過緋聞，就知陳凱琳電力有幾勁！

鄭嘉穎貴為視帝，教後輩新人做戲理所當然，兩位兵仔學嘢

陳山聰同陳凱琳合作過劇集《張保仔》，男方為奪女方歡心，行外母政策，每次喺片場見到陳媽媽都必定大賣口乖。網上圖片

陳凱琳初入娛圈，陳媽媽都唔太放心，拍劇都總會傍實左右，不過喺新劇《殭》已經再見唔到蹤影。

行外母政策

陳凱琳身為大台重點栽培花旦，現忙緊新劇《殭》拍攝，最近就爆出上鄭嘉穎屋企密會兩個鐘，原來仲有同劇嘅陳山聰和黃又南都曾出招搶女。之前已經喺《張保仔》合作過的陳山聰，今次繼續行外母政策，不過陳凱琳媽媽喺新劇中已經冇再跟出跟入，加上陳山聰底太花，陳媽媽晨早落定閘，陳山聰又衰多次。

至於黃又南同陳凱琳首次合作，喺唔清楚對方家底下，諗住用專車接送服務取悅女方歡心，但係女方已經有專車司機，如意算盤同樣打唔響。

黃又南一心諗住專車接送可以加分，不過估唔到女方原來有司機接送服務，冧女招數泡湯。

對住近十年最索港組陳凱琳，首次合作嘅黃又南都中埋招，證明電力好強勁㗎！網上圖片

陳山聰、黃又南、鄭嘉穎同陳凱琳都係同劇演員，雖然三個同時睇中陳凱琳，不過鄭嘉穎勝在有地位同角色有感情戲份，最終咪得米囉！網上圖片

陳父：理唔到

據知鄭嘉穎眼見陳山聰同黃又南對住陳凱琳虎視眈眈，試過喺片場大師兄上身，扮正經叫又南「唔好騷擾人」，自己就食住同陳凱琳有感情線嘅機會，以教戲為名，暗地裏逐步逐步冧盡女方心。據知鬼妹仔性格的陳凱琳都好享受被仔圍，對住鄭嘉穎仲開晒綠燈，畀晒機會。

週一（ 6日），陳爸爸送完愛女陳凱琳返大台，回應女兒拍拖一事，笑晒說：「唔係拍拖。（鄭嘉穎年紀大一倍，驚唔驚？）佢𠵱家都冇話拍拖，等佢自己揸主意啦。（對嘉穎印象？）吓，我都唔係好熟。（驚唔驚阿女同圈中人來往？）佢拍親劇都會同人傳，我都理唔到咁多。」

真係好搶手

想食天鵝肉又點只得三個，陳凱琳出道一年，幾乎合作親都有緋聞傳，想宣傳真係幫到手呀！

大隻仔溫家偉同陳凱琳因拍飲食節目而相熟，加上兩個鬼聲鬼氣，好快就傳出緋聞，不過兩個之後受到大台捧打鴛鴦拆散，大隻仔最近亦發展同吳若希的新戀情。網上圖片

陳凱琳同陳展鵬合作《張保仔》而傳出緋聞，鬼妹仔性格嘅陳凱琳仲同「煎 pang」玩到變黐頭芒，不過又係流料一單。

因合作《四個女仔三個 BAR》而同張繼聰傳緋聞，不過有傳老婆謝安琪施壓過後，張繼聰都刻意同陳凱琳保持距離。網上圖片

鍾意就快D Share啦！

下一篇 》