洗米華夫妻黃雨中的浪漫
【中環→銅鑼灣】澳門賭業猛人周焯華（洗米華）自爆出享盡齊人福，正印陳慧玲（Heidi）與女友Mandy Lieu之間的「爭米戰」持續激烈。不過，隨着曾揚言要捍衞家庭的洗米嫂，將於本周六（30日）入院剖腹生B，洗米華亦自動「交人」陪到實，昨日更無懼黃雨警告，撐起雨傘陪正印Heidi、大仔周柏豪及細女周梓潼行街shopping食雪糕，溫馨享受家庭樂；一家人一條心，果然落雨也不怕，暴雨也不怕！
本周六除了是洗米華41歲生日，更是洗米嫂入養和醫院誕「華種」的重要日子，據知洗米嫂會於29日入院待產，而她為方便出入，日前已由澳門搬到香港住。
昨午橫風橫雨，天文台一度發出黃色暴雨警告，提醒大家取消戶外活動。不過，臨盆在即的洗米嫂一於冇有怕，昨日如常挺巨肚出巡，更陪洗米華由中環買鞋買到去銅鑼灣。天雨路滑，洗米華亦盡顯細心，全程負責撐傘，替老婆遮風擋雨，man到爆！洗米華全程負責撐傘遮老婆，而周柏豪作為大哥哥，就負責照顧妹妹及同行的女孩，三個人共用一把遮。
【雨中漫步】■黃雨警告下，洗米華與正印Heidi昨日穿着白色情侶裝在銅鑼灣撐起雨傘行街，十分浪漫。
行完名店睇Nike
昨日下午4時左右，洗米華一家四口，加上洗米嫂姐姐Candy及太陽娛樂文化高層唐才智等，一行人共分乘三架七人車，先到中環名店JOYCE行街，洗米華和一對仔女及挺住巨肚的洗米嫂、一個細路女同坐一車抵達後，洗米華即箭步衝入店，明顯想買波鞋的他，一入店即走到運動部，惟他行了近45分鐘依然買不到心頭好，更大大聲說：「唔啱呀！去Nike呀！」於是大家便齊齊返上車，直奔銅鑼灣！
【瘋狂掃貨】■大仔周柏豪與妹妺及太陽娛樂高層Alex一同去中環Joyce店睇鞋。
【貼心照顧】■在中環掃完貨後，一行人上七人車到銅鑼灣再行，洗米華全程貼身護着太太。
【專心揀衫】■抵達銅鑼灣Nike店後，洗米嫂自行到女裝部看衫。
雖然心急買鞋，但抵達白沙道Nike Shop後，洗米華發現雨勢很大，便立即伸出他強而有力的臂彎讓洗米嫂蹺實，而洗米華揀鞋期間，一對仔女亦有幫眼陪佢一齊揀，洗米嫂則自己到女裝部睇衫，最後洗米華買了幾對鞋便陪仔女到大坑一間雪糕店食雪糕。不過，仍未買到心水鞋款的洗米華，食完雪糕再着司機載他到銅鑼灣另一間Nike Shop睇鞋，相當堅持。
採訪、攝影：陳辰、畢紹基、徐錦池
■洗米華在Nike店內與家人各自揀選運動衫。
■洗米華早前亦曾陪女友Mandy在東京旅行兼嘆雪糕。 資料圖片
|
鍾意就快D Share啦！
|
|
|
