2015年5月25日 星期一

千萬續約 Eason急操14日拒做肥代言 娛樂,Eason,陳奕迅,





其他影片:>>






孭住三億樓債,陳奕迅繼續不停周圍飛做巡迴演唱外,早前又以千萬天價,續約做運動服品牌代言人。據知,一向任由body自由發展的Eason,突然嫌自己太肥仔,主動要求延期拍攝,要閉關急操兩星期先肯埋位。

連續四年成為品牌的全球代言人,向來採取「自由肌」態度的Eason,臨開工前突然提出要急操修身,改期再拍。

「個廣告本來plan咗四月尾拍,所有嘢都book好晒,點知拍之前嗰日,Eason話自己狀態唔好要延期,但book晒嘢,廣告商唯有照開工拍product先。聽講Eason嗰兩個星期又節食,又做運動。」知情者透露。

上星期一(五月十一日),終於開工!攝製隊上午先到上環普義街拍外景,身穿白色T恤的Eason經過急操後,毫無動靜,依然圓碌碌。一埋位,擺出chok樣同轉幾個pose,輕輕鬆鬆,攝影師便收貨轉場。

換衫前,眼利的Eason發現記者,即面燶燶通風報信,工作人員急上前阻撓記者,「我哋啲衫下季先出,唔出得街住㗎。」
鍾意就快D Share啦!