掃呢頁CODE去手機

2015年5月25日 星期一

《死亡筆記》拍日劇 角色N由男變女 娛樂,



由著名漫畫改編嘅日本電影《死亡筆記》,早年曾經風靡亞洲影迷,電影亦帶挈戲中飾演「夜神月」嘅藤原龍也,飾演「L」嘅松山研一及飾演「彌海砂」嘅戶田惠梨香人氣急升,而佢哋扮演嘅角色之後更深入民心。

早前,日本NTV電視台打算將呢套經典漫畫《死亡筆記》,開拍成全新連續劇,劇集更鐵定於7月開播。電視台今次起用26歲男星窪田正孝扮演「夜神月」,20歲上位男星山崎賢人扮演「L」;由於電影版嘅《死亡筆記》深入民心,網民難免將「兩代」演員作比較。

劇集版《死亡筆記》將出現電影版冇出現過嘅「L」接班人「N」。至於「N」一角就會由曾參演日劇《海女》嘅16歲偶像優希美青演出;有網民就批評人「N」原本係男仔,今次竟變咗優希美青扮演,忍受唔到角色男變女喎!
其實優希美青都扮得好似「N」啦,不過有網民始終接受唔到由女人扮「N」
鍾意就快D Share啦!