【蘋果專訪】江華認受情緒及腰患所困 ：好驚會癱
2015-06-16 22:23:00
(攝影：葉君海)
被外界喻為「比劉德華更加劉德華」的江華（原名：陳木華），06年有傳因腰患導致抑鬱症而停工休養，在鏡頭前消失了近年10年江華，最近被讀者經本報「爆相爆片」，發現原來52歲的江華轉投保誠做保險。
久違了的江華，今日在沙田接受蘋果專訪，雖然江華依然保存比「比劉德華更加劉德華」的感覺，不過言談間似乎少了一份執著，對於當年的傳聞，他哈哈否認並說：「傳聞嚟啫，當年拍完《紅拂女》喺北京宣傳，我發作得好嚴重，腰腿出現嘅問題，導致我嘅精神好有壓力，以前諗都唔諗呢啲事，點解一個人行得走得食得瞓得，突然間會變成乜都唔得？嗰陣我習慣咗無論係坐呀、行呀、企呀、十項全能乜都係控制喺自己手度，但係突然做乜嘢都唔得，慢慢就有好多恐懼，跟住又開始諗，我係咪一世都係咁？我好驚，好擔心之後會唔會癱，咁我老婆同仔點？會唔會搵唔到食呀？」
江華續說：「以前我會覺得乜嘢都係喺我手裡面當掌握，我要做就做，乜都係我決定，原來嗰一役話你知，對唔住，原來好多嘢唔係你可以決定，做人真係好渺少，有幾多錢又點，幾有才華同幾多人鍾意又點？有啲嘢可以令你乜都冇，我覺得好多嘢搞唔清楚，究竟人生係點，點解會咁，一個人喺軟弱嘅時候，會有好多恐懼襲擊你，之後我信咗耶穌，喺嗰段日子我唔想再拍戲，要調較自己生活，反思人生係乜，直到今日好似有一種起動感覺。」
江華當年擔心會癱。
江華依然保存比「比劉德華更加劉德華」的感覺。
|
鍾意就快D Share啦！
|
|
|
