掃呢頁CODE去手機

2015年6月27日 星期六

爆瘡壓力大? 陳凱琳都認交往中 凱琳,陳凱琳,





其他影片:>>






終於都認喇,45歲鄭嘉穎同24歲陳凱琳(係嘅係嘅,每寫一次都提一次係少煩…)終於落實名份——交往中。都係多得日前有周刊全程直擊,影埋鄭嘉穎赴法國陪伴曾發表「處女論」嘅女友陳凱琳開工,又影埋兩人返港後,陳凱琳唔返屋企、而係去咗嘉穎位於大坑嘅寓所共度甜蜜一晚。女方為咗嘉穎,連爸爸節都唔理……父女戀激嬲父親喎……

今日,身在內地嘅嘉穎,接受內地傳媒訪問時,直認係同陳凱琳交往中,更不避嫌指,如果雙方都覺得係到咗適當嘅時候,就會結婚。受訪時,嘉穎不時露出「青澀」表情,甜笑傻笑,真情流露。嗰陣佢同周麗淇、佘詩曼拍拖嗰陣,都冇認過……

好喇,嘉穎已經表態,輪到陳凱琳喇。今晚佢喺將軍澳出席活動時,唔知係咪緊張啦,有啲心神恍惚,面珠仲爆瘡瘡。問佢係咪同鄭嘉穎交往中?陳凱琳諗咗一諗,然後話:「唔!係嘅。」又話:「交往中即係代表兩個人…即係約會呀,同埋更加係……er……有多啲偈傾呀,更加了解大家嘅為人同性格。」

陳凱琳面對傳媒大迫供,似是有點無力招架:「唔知點答你,其實都講過話一直有約會嘅,同埋真係……關係好好囉。同埋我覺得依家係…更加有時間去了解多咗大家。」

陳凱琳與男友鄭嘉穎口徑一致,兩人都認交往中。 陳凱琳回應傳媒時,顯得心神恍惚。 陳凱琳表示同鄭嘉穎關係好好。
鄭嘉穎喺內地接受傳媒訪問時,就認與陳凱琳交往中,仲笑到見牙唔見眼呀﹗
鍾意就快D Share啦!