有指劉華下半年會停工，專心陪囡囡Hanna開學。咁究竟Hannah新學年讀邊間幼稚園呢？原來係傳統名校德望幼稚園呀！
之前喺家長討論區，有家長爆料話，見到劉華親自帶愛女去創價幼稚園同德望幼稚園面試。據知創價都收咗Hanna，不過可能劉華見德望係傳統貴族女校，校風純樸，重視學術及品德教育，體藝發展又相當出色，最最最緊要係幼小中一條龍，唔使煩，所以就俾愛女讀德望
上星期五，朱麗倩陪Hanna返德望影學生相。有知情人士話初時Hanna有啲怕醜，攬住媽咪唔放手，最後要朱麗倩安撫完一輪先肯埋位影。唔知到時劉華會唔會陪Hanna開學呢？到時一定引起哄動呀！
