掃呢頁CODE去手機

2015年7月15日 星期三

親善大使 笑住潛水逃生  G.E.M.戒囂洗底鬥千嬅 [FACE - 425] G.E.M.,G.E.M,楊千嬅,千嬅,MF,鄧紫棋



冇氧氣樽跟身, G.E.M.都係用咗 2分 10秒完成水底解鎖逃生。電視畫面

真面目

親善大使 笑住潛水逃生  G.E.M.戒囂洗底鬥千嬅

「宇宙 G.E.M.」鄧紫棋年紀輕輕是非多多,早前股市狂跌, G.E.M.唔識死在微博以一首〈泡沫〉抽水,被股民網友喪插!

23歲已經得罪全世界, G.E.M.要繼續撈就一定要洗底挽人氣。以 500萬人仔接拍深圳衞視《極速前進》第二季,被指愛耍大牌的 G.E.M.在節目中一改寸嘴形象,全程笑住玩,即使跌足 40次都冇發火,更搏到盡潛入大海徒手解鎖逃生都肯制!

相比身體唔舒服要就住玩的楊千嬅,戒囂 G.E.M.先贏第一 round!

由於水溫得 12度, G.E.M.一落水大叫好凍,要 warm up一段時間先可潛入水。網上圖片

小巨肺名不虛傳,全程只換咗 1次氣就解到鎖兼逃出鐵籠。電視畫面

出道 6年,是非表厚過電話簿的 G.E.M.,多次被指對記者對粉絲耍大牌,甚至夠膽得罪一手捧紅佢、湖南衞視《我是歌手 2》導演洪濤,搞到要公開道歉打圓場。

G.E.M.同張芸京識咗 4年幾,非常老友,雖然節目中好多挑戰都係由 G.E.M.負責,但張芸京好細心,例如當 G.E.M.一上水,佢即刻用毛巾幫對方保暖,好體貼!網上圖片

電視畫面

成績包尾態度第一

形象插水, G.E.M.近日努力洗底,早前參加真人騷節目《極速前進》第二季時,毫無保留搏到盡,雖然首回合成績包尾,但積極態度意外獲觀眾激讚,甚至比天后楊千嬅、玩遊戲經驗豐富的曾志偉更搶!

玩「西瓜衝浪」時, G.E.M.為過關慘跌 40次,全程冇軟墊冇保護衣, G.E.M.依然笑晒冇黑面;挑戰徒手解鎖時,由於拍檔張芸京唔識游水, G.E.M.二話不說攬上身,更發揮小巨肺潛能,只用了 2分 10秒就完成任務,不過當日得 12度又接近天黑,要潛入 2米水深解鎖絕對唔易,連身經百戰的曾志偉都扯白旗放棄!

《極速前進》第二季除咗有楊千嬅(左)、丁子高(左二)及 G.E.M.(右二)等多位港星,仲有 Super Junior前成員韓庚(右)。網上圖片

跌足 40次都過唔到關, G.E.M.依然笑笑口冇發爛渣,可惜最後都係過唔到關。網上圖片

丁子高喝老婆

相反丁子高顯得相當急躁,忍唔住呼喝老婆,好有霸氣!電視畫面

有粉絲喺澳洲見到 G.E.M.拍攝節目,瘋狂舉機狂影,仲大讚 G.E.M.好好笑容唔似耍大牌。網上圖片

「成身瘀痕傷痕」

G.E.M.之前堅持喺《我是歌手 2015巔峰會》上唱新歌,結果得罪節目導演被換走,以台灣歌手 A-Lin頂替。

據知 G.E.M.參加《極速前進》穩袋 500萬人仔,比楊千嬅丁子高夫婦收 1千萬少,不過可以洗底兼去勻澳洲、法國、土耳其等地玩遊戲,難怪 G.E.M.做開巡唱賺快錢都肯參加。

要賺錢當然要有付出, G.E.M.今次真係豁晒出去,週一( 13日)她對本刊說:「參加呢個節目完全係挑戰自己,我好怕高,但今次要 bungee jump又被人半吊,玩完之後成身瘀痕同傷痕,又曬到黑晒,不過都唔驚得咁多,潛水換轉係平時就一定會驚,不過比賽緊就唔諗得咁多,淨係想快啲完成!」

祖兒千嬅惡鬥《爸爸 3》

《極速前進》第二季有 G.E.M.同千嬅惡鬥,其實同期內地仲有《爸爸去哪兒 3》,以及容祖兒首個真人騷《報告教練》都係逢星期五晚播。咁多選擇,唔使被迫睇大台膠劇

《爸爸去哪兒 3》週五晚 10點

《爸爸去哪兒》由第一季至今極受歡迎,係湖南衞視皇牌節目。上週五( 10日)首播的第三季,冇傳說中的張晉或張智霖,只得較為港人熟悉的胡軍同劉燁,不過成班細路超得意,肯定有 market!

《報告教練》週五晚 9點

東方衞視的新節目《報告教練》卡士超強,容祖兒謝霆鋒李治廷陳妍希,加上客串的運動巨星如林書豪、林丹、球星奧雲,應該相當有睇頭!加上祖兒近期自爆拍到喊,又將自己踢波個樣同「非洲祖兒」艾辛比較,話題多多唔慌冇觀眾!

鍾意就快D Share啦!