掃呢頁CODE去手機

2015年8月28日 星期五

妍希晒半邊心 陳曉:總有一天,你會跟我姓 陳曉,





其他影片:>>






現年32歲嘅陳妍希喺內地電視劇《神鵰俠侶》演小龍女,雖然被網民笑佢係「小籠包」,收視亦唔係幾好,不過,勝在幫妍希贏得一段情,佢哋三個月內三次被影到同「過兒」陳曉出入酒店過夜,互相慶祝生日,噚日兩人透過經理人承認戀情。

28歲內地小生陳曉今早十點幾於微博出招氹女,留言:「總有一天,你會跟我姓,陳妍希。」更貼出一張左手向天空做出半心心形手勢,而女友陳妍希對男友嘅冧招相當受落,貼圖回覆男友,用右手做出半邊心形。如果將兩人張相拍埋一齊,剛好做出一個完整嘅心形,一朝早就大晒恩愛。

有網民就重提趙麗穎同陳曉嘅緋聞,留言:「還是喜歡趙麗穎,陳曉byebye,在古墓裏好好和陳妍希過吧,麗穎會有一個好的男的愛你的。」亦有網民笑陳曉個留言,回覆指:「已經跟你姓了。」另一網民稱:「幸福就好!抓緊把陳妍希娶回家,生小孩子吧。姑姑年齡不小了,過兩年就是高齡產婦了。」

(微博圖片)(微博截圖) (微博截圖) (微博截圖)
鍾意就快D Share啦!