掃呢頁CODE去手機

2015年9月3日 星期四

升小一 名校撻 Q  Kelly仔讀冷門國際學校 [壹週刊 - 1330] Kelly,陳慧琳,M1,



Kelly先後安排蝦餃仔及小龍包入讀名牌幼稚園讀預備班,為小一學位做好準備。

探熱針

升小一 名校撻 Q  Kelly仔讀冷門國際學校

寶貝仔劉昇(蝦餃仔)眨吓眼就六歲,夠秤讀小一,據知,希望囝囝入讀傳統名校的 Kelly陳慧琳,先後入紙申請男拔萃、聖保羅等名校學位,可惜全部被拒諸門外。入名校撻 Q, Kelly退而求其次,轉揀國際學校,蝦餃仔最終入讀全港排名 894,位於荔景的宣道會劉平齋紀念國際學校,學費$98,900一年,十萬蚊有找。

面試怕醜

為小一學位備戰, Kelly大仔蝦餃仔兩歲時,已考入位於紅磡的名牌幼稚園 St. Catherine讀預備班打定底;兩年前, Kelly開始四出叩門,先後報過男拔萃、聖保羅等名校,有家長更在網上爆料,指見過 Kelly一家同埋雷頌德現身男拔萃開放日。

「 St. Cat同唔少名校好似喇沙、拔萃、瑪利諾掛鈎,蝦餃仔喺嗰度畢業,本身就有優勢,可惜蝦餃仔比較怕醜,面試嗰陣表現麻麻;不過 Kelly都冇乜嘢,佢話個仔其實適合讀國際學校多啲!出年輪到小龍包(劉琛)考,首選一樣係男拔。」 Kelly身邊人透露。

上週三(八月二十六日),返新學校讀 Grade 1的蝦餃仔,自己坐校車返學,放學就由外傭姐姐接,因為媽咪 Kelly要負責接送細佬小龍包,分身不暇。

蝦餃仔最終入了位於荔景比較冷門的國際學校讀 Grade 1。

開學當日,蝦餃仔由外傭姐姐湊放學,見到記者一時遮面,一時又望鏡頭笑,相當鬼馬。

現身家長日

下午三點,司機載住外傭姐姐準時到學校門口,一夠鐘,姐姐一馬當先衝入校內,湊蝦餃仔離開。著住校服的蝦餃仔同媽咪一樣剪短了頭髮,見到記者,已經六歲的他表現淡定,行行吓又用手遮面,之後又望住記者笑,相當鬼馬。

第二日,輪到細仔小龍包家長日,忙於備戰個唱的 Kelly,唧出時間陪囝囝返學,放學時見到記者, Kelly拖住小龍包笑晒打招呼,三歲人仔好奇兩頭望,超得意。之後 Kelly帶埋小龍包去接埋哥哥放學,才一起返歸。

忙住籌備個唱的 Kelly,上週抽時間陪小龍包返學參加家長日。

Kelly老公 Alex亦是傳統名校畢業生,所以一直希望囝囝能考入名校。

七年冇開騷的 Kelly,今年聖誕檔再踏紅館,暫定六場,銷情尚算理想。

唔出名

蝦餃仔入讀的宣道會劉平齋紀念國際學校,於茘景及九龍城均設有校舍,學校全港總排名 894,在九龍城區排名 81,不算出名。學校用全英語授課,另設有中國語文班,提倡小班教學,每班只收 18個學生,全年學費$98,900。有家長在網上討論蝦餃仔入讀該校時,反應都是:「咁冷門嘅?」

撰文、攝影、攝錄:娛樂組

nextplus.nextmedia.com

鍾意就快D Share啦!